「無論你在這世界的哪個角落，我都一定會去的——你的名字cafe@東京」 今個月你的名字fans多左個新聖地，日本幾個地方都有期間限定你的名字cafe，作為忠實fans襯呢個時間去左東京試試呢間主題cafe 黃昏之時終於黎到萬眾矚目，位於東京池袋既你的名字cafe，一到七樓已經見好多人食緊 行近啲睇下食咩好先 除左cafe之外，cafe對面就係專門店，有好多你的名字相關產品，即刻忍唔住衝過去 樣樣都咁靚，想唔掃貨都唔得啦！ 點擊圖片放大 +5 可惜黎得遲，好多野（特別係三葉）已經賣晒，而且最想要既iPhone case只有7，無7plus，好傷心 旁邊有幾部扭蛋機，300yen一次，係一個考驗運氣好機會，不過扭出黎既鎖匙扣比想像中細 到真係去食既時候先發現，原來係要拎左飛先，但當日已經太遲無得拎，唯有第日早啲再黎過...... -------------------------------------------------- 今次一黎到即刻拎左飛先算，之後仲要等大約四個鐘！！！ 拎到飛後要scan qr code，再入個網確認，send e-mail，食呢餐都幾複雜 到夠鐘食野既時間就會收到e-mail通知，再要去樓梯排隊；襯有時間周圍影下先 Cafe之內大部份係女士 收到e-mail後即刻去樓梯排隊，排緊個陣職員會比menu你睇，會幫大家預先點埋餐 終於入到去啦！枱上呢張餐紙係記念品之一，多數人都會將佢帶走，我當然都唔例外啦，之後先發現有啲醒目既客人直頭一坐低就將餐紙留好，唔怕佢用完污漕 我叫左杯「星が降った日の夜空ソーダ 」，係啫喱加梳打汽水加士多啤梨雪糕，叫野飲會有杯墊送 最重要係食呢個「瀧と入れ替わった三葉も思わず写真を撮りたくなったパンケーキ」，佢係鬆餅，三葉in瀧時食過既其中一款甜品 個鬆餅等得有啲耐，忍唔住飲左飲品，不過都黎張大合照啦 好快食完咁靚既一餐，相信你的名字fans一定鐘意呢道，不過要黎就要快啲啦，池袋cafe只係7/1-7/2經營，遲左就冇；如果呢段時間黎唔切都唔洗擔心，仲有名古屋分店開得比較長時間 所有食物同產品都可以係cafe網頁睇到 http://the-guest.com/kiminona_ikebukuro/ -------------------------------------------------- 除左cafe外，HMV都有一啲你的名字產品賣，fans可以順路去睇睇；呢道仲可以抽一番くじ，不過見好多ABCD賞都抽晒，就放棄啦 池袋HMV仲有你的名字貼紙相機，可以同主角一齊影相 -------------------------------------------------- 東京除左有cafe，仲有好多聖地可以參觀，今次黎到緊係要去唔同聖地朝聖！ 「代々木站」有咩特別？ 呢道係三葉到東京搵瀧時，三葉發現瀧並追上車既地方 「JR信濃町站」對出係呢條天橋，唔洗多講都知呢道係邊道啦 由JR信濃町站可以行到你的名字之中最重要既地方之一「須賀神社旁邊條樓梯」，係呢道遇到好多fans 點擊圖片放大 而家係紅色箭咀位置，繼續聖地巡禮；樓梯下都有地方朝聖架 唔知有冇記錯，呢個係三葉到東京搵瀧時曾經路過既地方 最尾兩人係火車上相遇後，瀧跑去搵三葉時路過呢道 由須賀神社行冇幾遠，去到「四ッ谷站」，瀧同奧寺前輩係呢道開始約會 瀧同奧寺前輩係地鐵「乃木坂站」旁邊既「國立新美術館」入面食飯 三葉係火車上見到瀧後，係「千駄ヶ谷站」衝出去搵瀧 瀧同奧寺前輩返工既意大利餐廳係地鐵「新宿御苑前站」附近 東京仲有好多地方可以朝聖，不過一日去唔到太多地方，其他要留返下次再去啦；上年秋天到東京時都有去朝聖，補多兩張相先，呢個位都係「JR信濃町站」對出影 「明治神宮外苑」係三葉in瀧﹑司﹑高目三個放學經過既地方 -------------------------------------------------- 除左你的名字外，新海誠其他作品我都好鐘意，今次仲去左「言葉之庭」聖地「新宿御苑」，不過冬天好多樹木冇晒樹葉，同電影入面既靚畫面有好大距離，遲啲岩季節要再去新宿御苑朝聖先得 點擊圖片放大 下次有時間，我要去糸守湖搵三葉！！！
