< 東京﹑富士山9天遊 > 第一天 出發去日本之前先要準備一下，要book住宿同參觀，再買定日本上網卡，順便上amazon訂定想要既野，好快就搞掂可以等出發；今次其中一個重點係行山，所以係香港近近地行過幾次，當係熱身啦：出發前一星期終於確定好行程同改住宿時間，好快就到左出發大日子啦 出發時冇咩行李，兩個背囊放晒入去先得7.5KG，早知唔買寄倉都得 富士山比較近東京，今次就坐捷星航空來回成田機場，機票係冇特價時買，連去程20KG回程30KG寄倉行李大約二千蚊，好抵！不過同上次去大阪一樣買左機票後一個星期佢就特價，會再平幾百，哈哈！呢班機來回時間唔多好，午去早返，為左平冇所謂啦 臨降落東京前係對面窗見到富士山日落，唉...check in時想同地勤講希望坐左邊窗口位，但又唔敢開口，唉.. 入境時朋友比人開gip檢查，我咩背囊就冇睇，咁奇怪？T3出黎就係一個大canteen，晚餐有著落 食我最鐘意既烏冬加多個薯餅，正！ 呢班機去到日本已經夜晚，就算出到市區都冇咩好做，慳返晚房錢訓機場仲好，成田機場有休息室比人休息，去望過地方好大又少人，不過啲燈開到好光所以唔選擇留係休息室lu，返canteen仲好 好多人都留係呢道，我早到霸到張長梳化，好舒服 有水同差電，成晚玩電話都得 第二天 第二朝五點出發，沿跑道去T2上車，早一晚已經買左Suica卡可以直接入閘 今次坐最平既鐵路京成本線出去「日暮里」，係耐小小要個幾鐘車程但車費只係￥1025，我大把時間慢慢坐出去都冇問題 成田附近係鄉村風景，好靚 日暮里再轉山手線到hostel所在地「鶯谷站」，返低大背囊正式出去玩 日本人好早返工，七點幾咁早JR站已經迫滿西裝人士，東京繁忙時間人流唔講得笑 今日買左JR一日pass，主要係靠山手線移動，張pass￥750唔係咁抵用，要搭好多程先返到本 去到東京鐵塔附近食個早餐再轉車，咁岩見有間吉野家就入左去 坐多程單軌列車，終於去到羽田機場 山長水遠由成田機場去羽田機場，目的係參加JAL工場見學；係香港正常冇機會入到去飛機工場，日本就唔同，JAL同ANA都有開放工場免費比人參觀，只要係網上報名就得；工場見學好受歡迎，早幾個月就冇位，我係咁岩出發前見到有人取消先報到咋；報名好簡單，上佢個網報就得 https://www.jal.co.jp/kengaku/ 見學開始前可以係SKY MUSEUM參觀，睇下JAL歷史同航空相關既野，又有啲小遊戲玩，鐘意飛機既我預早左時間黎到慢慢睇；我係呢道睇野多，冇點影相 點擊圖片放大 +3 見學開始首先入課室上堂，會播放一段JAL影片，之後有職員介紹飛機飛行原理等等相關飛機知識，對像似係小朋友，內容講得好簡單，中學時我都學過呢啲野唔洗佢講都識晒，哈哈；上完堂會有二十分鐘時間出返去SKY MUSEUM自由活動，順便睇下有咩JAL禮品買 好快就到左見學之中最重要時間，終於可以入飛機庫參觀，大家戴好頭盔進入飛機工埸 難得可以咁樣見到飛機！職員一路同我地介紹，見我唔知發生咩事會專登用英文同我解釋，好好人 點擊圖片放大 睇完一個機庫又過去另一個機庫，今次可以落到地面近距離睇飛機，感覺特別大部 好多人已經落左去，好快到我地！ 點擊圖片放大 企係門口睇飛機起飛，又同佢揮手，唔知飛機上既人見唔見到我地呢？ 點擊圖片放大 +4 行去另一邊繼續睇 點擊圖片放大 +3 成個見學大約一小時四十分鐘，唔經唔覺就過左，今次係一個有趣體驗，鐘意飛機既人一定會鐘意黎呢道；見學過程除左課室入面既資料唔可以影相之外其他地方都可以隨便影相，如果要係網上公開就要先得到JAL批准，我好乖架以上所有相係得到批准先貼出黎，哈哈 離開羽田機場去到「原宿站」，原宿站係東京都內現存歷史最悠久既木造車站建築 大大個太陽係頭頂，有三十幾度，天氣太熱是但搵左個地方食野，最重要係唔想出去曬太陽，係出面熱到唔想郁 原宿出名既商店街「竹下通」，好多人 先係旅客資訊中心買地鐵pass，咁岩呢道有香港人做野，好快就買到 由原宿站旁邊入口行去「明治神宮」，成個明治神宮御苑好大，要啲時間先行到去，好彩沿路有好多大樹，唔洗曬住太陽行舒服好多 點擊圖片放大 +2 到明治神宮啦 假既？ 拜神唔岩我，行下睇下就走 點擊圖片放大 +3 行去新宿個邊行街，去左好多行山用品鋪，暫時未有收獲 坐車返去hostel check in，呢道咁岩舉行緊一年一次既「入谷牽牛花祭」，可以去襯襯熱鬧；我都係book左hostel先知道咁岩有呢個牽牛花祭，咁就好啦呢兩晚都可以去行行 有親祭典活動就一定會有好多呢啲小食攤檔，呢道有成百檔咁多，花多眼亂！ 點擊圖片放大 +6 除左有野食之外仲有好多小遊戲玩，岩晒細路仔 點擊圖片放大 +3 望住咁多野食都唔知食咩好，隨便揀兩樣就食到好飽 Skytree係冇幾遠既地方 行行下行到天黑；呢個話明係牽牛花祭主角當然係牽牛花，除左一邊馬路係小食檔之外，另一邊全部都係牽牛花攤檔，不過牽牛花呢邊就冇咁多人，小食個邊係迫滿人 點擊圖片放大 +4 「真源寺」點起燈飾 點擊圖片放大 +2 行晒所有地方又食到飽，係時候離開去下一個目的地 有橙味但冇果汁！ 下一個就係想去左好多年既「秋葉原」，身為毒男點都要黎朝聖 係JR站入面已經感受到濃厚動漫氣息 可惜太夜先黎到，好多鋪頸已經關門，唯有四圍行下感受下聖地氣氛 點擊圖片放大 秋葉原當然唔少得主題cafe 我最想就係去home cafe，可惜企左係門口好耐始終都係冇勇氣入去...毒到入去都唔敢，唉... 坐山手線去新宿，想上去新宿都廳睇夜景，不過睇左個錯既時間去到已經關左門，冇得睇lu 咁夜冇野好好只好坐車返hostel，順便係旁邊便利店拎amazon訂左既野，佢既盒永遠都係咁大個 全日由早行到晚，叫做去左好多地方；聽日將會開始今次旅行重點朝聖之旅，期待聽日到來！
