< 廣州2天遊 > 第二天(續) 食完腸粉繼續廣州行程,今日要去小洲村﹑紅專廠,又想去睇有軌電車,咁多地方去要快啲出發先得 係客村站呢道就有去小洲村既巴士,要慢慢得車到;其實呢道坐的士去應該唔會太貴,加上我地仲有四個人share,不過有巴士到既話都係坐巴士好啲,對的士有少少陰影... 呢道望到廣州塔 大約35分鐘車程去到小洲村落車,由頭先既城市景變成而家市郊風景 小洲村係廣東其中一個最有嶺南水鄉特色既古村寨,已經有1000多年歷史;叫得嶺南水鄉當然有小橋流水啦 我以前已經黎過小洲村,見環境幾好所以就帶朋友黎行下,不過今次呢道令人好失望... 點擊圖片放大 作為一條歷史古村,都有一啲歷史建築 點擊圖片放大 +3 村中有河道通過;之前我話呢道令人失望,係因為實左有太多地盤啦,四圍都起緊屋,所以成個小洲村都沙塵滾滾,建築材料放到一地都係,河水都變得混濁... 點擊圖片放大 +4 小洲村最特別既一個地方就係呢棟蠔殼屋,外牆由蠔殼砌成,已經有500多年歷史,係小洲村必睇地方 點擊圖片放大 +2 小洲村有唔少特色餐廳,但呢道遊人唔多,好多都冇人幫襯 點擊圖片放大 +3 呢道都興呢啲? 點擊圖片放大 +2 有唔少舊建築 點擊圖片放大 +7 廟前有唔少人求學業 點擊圖片放大 最後黎到小洲村地標之一,小洲人民禮堂 禮堂前有間小食店,簡簡單單食個下午茶 點擊圖片放大 不過呢碗面啲肉味道好奇怪,麻麻地 見到腸粉爐即係有腸粉食啦,即刻叫先 個樣唔係咁靚,味道都冇之前食既咁好,不過都食左兩碟,哈哈 食完就離開小洲村啦,不過呢道啲樓起好之前暫時都係唔太適合黎,始終而家入面環境唔多好... 坐呢部車,35分鐘車程去到廣州塔 一埸黎到都影返張相啦 行出江邊就可以見到廣州新既有軌電車,我去呢個時候電車岩岩通車左幾日咋,咁新鮮緊係要睇睇 點擊圖片放大 +2 電車到啦,行車好寧靜,可惜去到岩岩好五點電車收工,只可以遠觀冇機會搭lu 點擊圖片放大 +3 珠江對岸天河區好多高樓大廈 影多幾張相就走啦 點擊圖片放大 +2 離開廣州塔後,坐地鐵去到員村站,再坐上呢啲小小電動車去紅專廠 點擊圖片放大 話咁快就到;紅專廠前身係廣州鷹金錢食品廠(廣東罐頭廠),世界上第一罐「豆豉鯪魚」就係呢就誕生,所以有「百年鷹金錢,始創豆豉鯪魚」佳話;呢道曾經係亞洲最大罐頭廠,後來工廠搬走棄置後,2009年開始變身成為一個平民藝術文化區 紅專廠保留有舊建築舊機器,再加上好多藝術元素 點擊圖片放大 +4 好舊好有味道 點擊圖片放大 +2 連火車站都有 點擊圖片放大 紅專廠入面有好多特色餐廳 我唔識藝術,對藝術興趣唔大,不過朋友黎呢道有野做咁我都一齊黎睇睇 點擊圖片放大 +4 行一個圈用左一個鐘,出返黎等車啦,係呢道總算有小小收獲,買到好靚既明信片 返到去員村站見到有野食,大家都忍唔住買左好多小食;我都好耐冇食呢啲小食啦,以前食得多,後來見得太多負面新聞搞到唔係幾敢食,今次見大家食得咁開心我都食埋一份 呢個炒薯條辣辣地好好食,只係三蚊一盒咋 坐地鐵去到廣州東站,準備一陣坐車返香港;仲有小小時間咁就係東站呢道搵地方食晚餐先,呢頭都係商場,好多餐廳選擇 隨意揀左間靚靚地又坐得舒服既餐廳,行左成日終於可以舒舒服服坐一陣 我食咖哩米線 九點半去到火車站候車室,差唔多上車啦 上車前記住要拎返枝水 大家衝丫! 今次坐呢班「慢速」和諧號返深圳,車程要個幾鐘,唔係快普通火車好多,不過就貴好多... 好彩乘客唔多點坐都得,都叫坐得舒服 兩日一夜短短既廣州之旅話咁快就完左啦,有時候抽兩日一夜同朋友去行下玩下食下野都幾好,輕輕鬆鬆hea兩日;不過而家夏天都係唔太適合去hea,周圍都熱到出煙,都係留返係屋企最好,哈哈 < 廣州2天遊 > < 完 >