< 福岡﹑熊本﹑小倉﹑長崎5天遊 > 第三天（續） 熊本旅程係呢道畫中句號，而家要快啲趕返博多，因為博多今晚會有一年一度活動「燈火觀照」；去到售票處換好最快個班新幹線車飛，然後即刻去到月台等車，下班車好快就到 第四次黎到熊本站月台，唔知下次黎會係幾時呢？ 右邊月台有部800系 不過我係搭左邊呢部N700系先真 之前已經影過好多火車相，今程車就唔特別影啦 原來新幹線都有職員推車賣小食飲品 6:38返到博多；「燈火觀照」6:00-9:00舉行，我已經遲左到啦，要快啲起行先得 博多好多地方都有燈飾睇，我就揀左去近近地既「祇園」 一出博多站，即刻沿車站對出「はかた駅前通り」向祇園方向行，不過行得太急啦，唔為意博多站前面都有得睇燈飾，位置就係相中右手邊地方（返到來見到其他人影既相先知咋！） 咩都唔理向前衝 路過博多其中一個大商場「運河城」 唔洗15分鐘就去到川端通商店街，目的地「櫛田神社」就係旁邊 今晚時間唔多，只可以集中係祇園「櫛田神社」同「東長寺」參觀，其他地方太遠去唔切啦；除左指定地方，地圖上紅線地方都放滿燈，好特別架 「有「博多總鎮守」之稱的櫛田神社，據傳建於天平寶字元年(公元757年)，非常受博多市民愛戴，更受各國遊客歡迎。」 好多人入去櫛田神社 入面唔迫，行得好舒服 原來「燈火觀照」係將好多蠟蠋點成燈，全條路都點滿燈好靚架 點擊圖片放大 +3 好多人排隊等候參拜；我唔太清楚呢道參拜規則，所以唔排隊啦，只係隨意參觀睇睇風景 啲燈好靚；最衰冇拎腳架來，只係就咁用手拎住相機影，影唔到靚夜景 點擊圖片放大 櫛田神社好出名既「山笠」（Sorry爆晒光睇得唔清楚）；每年七月博多會擧行「博多祇園山笠祭」，追山笠等等活動睇落非常精彩，如果咁岩7月15號去到博多一定唔可以錯過 行多兩行見肚餓就出返去商店街睇下有冇野食，但次次當想食野個時都係搵唔到餐廳，結果行左去好遠，浪費晒我啲時間！ 行到河邊見到有麵食，唔諗咁多就你啦 餐牌見到有「人氣No.1」字樣，雖然唔知係咩不過都係叫左先算 又可以偷睇到入面煮麵；呢道有一個職員竟然識講中文，唔知佢係咩人呢 今次碗拉麵上面好多菜，要盡快食完再出去參觀 河邊都幾靚丫 食完拉麵又返到黎啦 大家誠心參拜中 呢道有好多人飲水 點擊圖片放大 已經去到20周年啦，不過我係早幾日先知有呢個活動 三百円買咩呢？ 呢道有好多燈 行高啲睇原來啲燈係砌成好靚既圖案，佢就係福岡吉祥物！ 點擊圖片放大 +2 時間所限，要離開啦 路兩旁都有燈 點擊圖片放大 呢啲燈造形比較特別 點擊圖片放大 有專人保護啲燈，蠟蠋一熄會即刻點返 過馬路之後，「東長寺」就係面前 「由空海(弘法大師)於唐朝修業完畢後建立，是爲祈禱密教向東廣泛傳播而建的寺院。寺院裡有日本第一的木造釋迦牟尼佛像。」 東長寺都係一個燈飾集中既地方，入去睇下先 中間砌左字bor，寫住「博多人形」，唔知係咩意思呢？ 點擊圖片放大 +4 除左中間空地，寺內好多地方都放滿燈飾 點擊圖片放大 +2 有好多和服美女係攤位，唔知有咩活動呢？除左睇燈飾之外，其實我對博多燈會呢個活動一無所知... 睇到呢道又夠鐘離開，太遲返到博多唔夠時間遊覽實在太可惜啦 呢條路都係放滿燈飾；呢道既燈同之前個啲唔同，係用紙卷成筒形，就好似雪糕筒一樣 有野賣又有野食，吸引到唔少人留步 突然成個天都係泡泡，又靚又特別，好多人圍觀丫！原來呢道都係一個睇燈飾地方，有好多特別既燈睇架！ 蠟燭摩天輪 蠟燭河 仲有好多唔同顏色 點擊圖片放大 +2 行到呢道時間已經係8:35，我搭既火車仲有半個鐘就開，所以唔可以再向前行啦，要預時間返去火車站！博多燈會呢個活動好大，差唔多成個博多區都可以發現燈飾，今次我只係行左好少地方咋，有少少可惜呢... 大家都向前行去下一個燈飾集中既地方，而我就要調頭行，唔制丫 回程路上都仲遇到少少燈飾，既然咁有緣當然唔可以放過 點擊圖片放大 +2 出到大路就要趕路去火車站啦，為左唔好遲到差唔多用跑既速度衝去 用左八分鐘就行到，比預計行得快tim 估唔到連火車站呢道都有燈睇 係二樓見到有入閘口就直按入閘衝去月台，咁岩我坐個班車就係最近既2號月台所以好快就去到，而且仲早左十分鐘到呢，可以鬆一口氣抖下啦 又會咁岩我黎博多呢個時間遇上咁特別既博多燈會，我都係出發前先知有呢個咁正個活動咋！為左呢個活動我放棄左去湯布院同別府（去左就返唔切來啦），我覺得係值得既，始終燈會係一年一次，難得遇上就唔好浪費ma，而且又咁靚呢，湯布院同別府就留返下次去啦，哈哈^^
