< 雲南大理﹑昆明6天遊 > 第四天(續) 向大理古城出發！ 由喜洲到大理古城大約18公里，坐巴士35分鐘就可以到達 車費7蚊 部車唔會入到大理古城，會係大麗路上風花雪月酒店旁邊停低，亦即係古城東面；距離古城最旺既西面仲漫漫長路丫 由玉洱路望向西面，好似冇盡頭一樣 首先要去住既地方放低野先，所以就由玉洱路向西面行 唔想行唔知可唔可以坐馬車呢？又好似冇見過有馬車係古城入面行；行行下先知道古城係有電動車行走，行走玉洱路﹑博愛路，就好似巴士咁沿路都有站，3蚊一位隨時可以上車，如果早啲知道有車坐我就唔行啦 冇車坐就要用腳行，不過由東向西行係要上斜，要有心理準備辛苦少少 點擊圖片放大 有啲樹蔭都好少少，冇咁熱 終於去到古城其中一條最旺既街道復興路，真係好多人！ 復興路北段比起南段算係比較少人 點擊圖片放大 我想先去hostel，所以嘗試睇住地圖行去，但hostel有啲難搵，唔小心就行左去平等路；原來呢道係一個街市，好多新鮮生果丫 點擊圖片放大 博愛路係一條馬路 係條路望來望去，終於發現左hostel位置；個招牌會唔會細左小小呢？ 唔行入來後巷都見唔到呢個大招牌 今晚會住係慢吧國際青年旅舍，環境都唔錯；呢道職員好好人，本來我預左三點去到，職員見我未到就以為我唔識路，打電話來教我行，佢地應該都知道呢道難搵啦，哈哈^^ 入面有一個小花園 呢道設備幾靚架，由其係個廁所，又新而且仲有坐廁 我既房間係地下，出入好方便；今晚住係四人房，36蚊一晚都幾抵 好乾淨 放低野之後上上層望望先 仲可以上到天台 天台好清楚見到蒼山 而另一邊就係洱海，不過洱海距離好遠睇得唔係咁清楚 點擊圖片放大 +2 休息左一陣，五點鐘出發！係時候參觀一下大理古城 首先去到西門（蒼山門），呢個城門維修緊冇野好睇...冇咩人會來到 西門對出就係大馬路，冇野好睇 點擊圖片放大 +2 出面冇野好睇就返入去古城；蒼山個邊就好多雪，洱海呢邊就藍天白雲 點擊圖片放大 沿博愛路向南行 去到護國路，即係古城好出名既洋人街，開始見到多啲人啦；呢段洋人街好多小攤檔，仲有好多特色cafe，如果有多啲時間我都想搵間cafe hea一下，可惜住得一晚冇咁多時間hea啦 洋人街真係有洋人 呢啲特色野應該都係洋人會比較有興趣，以前見得太多已經冇興趣再睇 點擊圖片放大 出返博愛路再向南行 呢間咩野黎架 經過人民路，人民路街尾係比較少人 點擊圖片放大 +2 繼續沿博愛路向南行 點擊圖片放大 +3 經過一條不知名街道 點擊圖片放大 +2 行到去博愛路盡頭就見到我想去既地方--城牆 想近近地由城牆西面呢條樓梯上，但去到見到鎖左門...要行返轉頭係南門先可以上 古時城牆係圍住成個大理城，可惜始終敵唔過城市發展，而家城牆主要只係得返近南門一小段咋...都好過冇啦（據知以前既城牆城樓已經全部被拆晒啦，而家見到既呢一小部份係80年代重建，唉...）；睇城牆平遙古城宏偉好多，人地真係一個完整城牆唔會甩皮甩骨... 行左成日腳都痛，又要行去遙遠既南門，唉...上網睇又話呢道可以上去，呃人既 大理古城南門，真係好多人！平時成日都見到有人影大理城門就係呢個位！ 「大理古城東臨碧波蕩漾的洱海，西倚常年青翠的蒼山，形成了“一水繞蒼山，蒼山抱古城”的城市格局。從779年南詔王異牟尋遷都陽苴咩城，已有1200年 的建造歷史。現存的大理古城是以明朝初年在陽苴咩城的基礎上恢復的，城呈方形，開四門，上建城樓，下有衛城，更有南北三條溪水作為天然屏障，城牆外層是磚 砌的；城內由南到北橫貫著五條大街，自西向東縱穿了八條街巷，整個城市呈棋盤式佈局。」 海拔2025米，好高丫 有隻咁既野係道... 城門口對出有好多扮野人事，但真係好樣衰頂佢地唔順，好心想賺錢就扮得專業小小啦！ 都係扮美女正常啲 城門口對出就係馬路，城外就車來車往，城內就人來人往，好大對比 望清楚城門 出面太多人，入返去城內 點擊圖片放大 入面就有樓梯可以上樓，免費參觀 城樓對正復興路 復興路之上就係五華樓 而城樓之外就係咁，現代與古代對比好大 東面冇城牆可以行，想漫步城牆只可以去西面方向 出發！ 點擊圖片放大 行落都幾遠架 見到好靚既大理大學 崇聖寺三塔 一塔 城牆轉角位有角樓 點擊圖片放大 行到上來感覺城牆幾長，企係城牆之上睇風景都唔錯，難得呢道唔洗收錢都算係咁啦；我都唔行過去另一面城門啦，調頭行返去南門 點擊圖片放大 距離南門有一段路程；而家已經接近黃昏又冇太陽，望出來感覺陰陰沉沉，如果明天有時間要再上城樓望望先得 點擊圖片放大 +2 又整得幾靚 企到咁高搞咩呢？ 望向古城同洱海 點擊圖片放大 +2 仲有小小藍天可以欣賞 一路落斜好快就返到南門 呢位美女自己一個人咁可憐 落去下面復興路行街先 復興路係古城其中一條最多人既街道，真係人山人海架，但兩旁好多都係賣遊客野，冇咩特別 點擊圖片放大 +3 好多唔同既古城感覺上都係大同小異，但呢啲賣大理特色野食既小攤檔就係大理古城特有；我一向對奶類製品冇興趣，唔試呢啲啦 又路過呢個不知名地方 再向前行就係五華樓 大理國時期已經有五華樓，而且非常大，但幾百年間出現過好多次意外令五華樓燒毀，而每次五華樓燒毀後都會重建，只可惜重建之後五華樓越起越細...而家見到呢個小小既五華樓係1998年重建 五華樓對出 點擊圖片放大 穿過五華樓後呢段復興路環境靚好多，有樹有流水，有小小麗江古城感覺，不過就好多人！ 又有人扮野影相 轉入人民路行下；人民路有好多特色餐廳，如果一大班人有時間慢慢坐下hea下呢道環境真係好正 點擊圖片放大 +3 地上有啲小攤檔 好多人排隊買烤乳扇 就咁用心烤唔怕熱既咩！ 再次來到洋人街 太陽都落山啦 見洋人街呢道有間米線店環境幾舒服就入去開餐，貪佢坐係上面可以望到大街風景 下面有兩個銀色人比人影相，但影到佢就要小人啦，我睇到有遊人影左一張相之後佢就立刻係後面搬個牌出來，牌上寫住影相要收20蚊，仲好過去搶！ 今餐係全個雲南旅程最貴一餐，價值28蚊既過橋米線套餐；不過貴又唔一定好食，我諗呢個係我食過最唔好食既一個米線，又未至於難食，已經比香港既好食啦，只係之前食既雲南米線太好食呢碗就比下去... 豆腐好啖，加左辣椒粉上去先叫做入得口... 呢道勝在可以望住出面食野 睇下張紙先知呢間「蒙自源」原來係連鎖店，近近地廣州都有分店，早知我就唔食呢間啦，又唔係好食浪費左我一餐... 唯有當係睇風景補返數 食完就落去洋人街行下，好多都係餐廳酒吧；個個古城都總有一條酒吧街，還好呢道酒吧靜好多，唔會好似麗江咁噪到拆天 點擊圖片放大 夜晚唔算多人，行起來幾舒服 點擊圖片放大 +2 有postcard賣，買返啲返去慢慢寫 再行去洋人街另一邊（頭先就係食右面個間米線啦！） 呢邊冇酒吧，係好多中式餐廳同小食檔，而且人少寧靜好多；洋人街一南一北已經係中西兩個唔同既環境，不過已經食飽左所以冇幫襯 點擊圖片放大 +3 又返到黎，今次行復興路 夜晚感覺靚過日頭，氣氛比較有古城feel 好多地方都見到有得賣呢啲雲南特產 轉入去人民路，又係有好多餐廳 點擊圖片放大 仲有好多小食檔；人民路夜晚好熱鬧，有野食之餘仲有好多野買 點擊圖片放大 +3 人民路有趣既地方係有好多年輕人出來擺地攤，有啲更加係自己創作，四圍八卦下都幾得意；但亦都有人話而家好多地攤都只係攞貨賣唔再係原創，已經冇以前個種藝術氣息啦... 點擊圖片放大 +3 人山人海丫 咁岩遇到學校放學，條街迫滿學生！但係點解中學咁夜先放學架？ 繼續行繼續行 點擊圖片放大 +3 又再去返復興路 夜晚五華樓比起日頭靚啲bor 點擊圖片放大 +2 可以上五華樓望下風景；上去時冇收我錢bor，唔係要收2蚊既咩？ 可以望到南門 今晚月亮依然咁圓 落返黎繼續向城門前進 點擊圖片放大 +2 城樓已經關左門唔可以再上去lu，只可以係外面欣賞 點擊圖片放大 +3 城樓之內就冇出面咁燈火通明 睇完城樓都冇咩好做啦，係時間返去hostel休息一下 返到來沖完涼，想寫下postcard先訓，但一張都未寫完就恰眼訓啦...都係明天再算，今晚就早小小休息啦
