好多人都話黃山係中國其中一個最靚既山，「五嶽歸來不看山；黃山歸來不看嶽」，黃山究竟係唔係真係好似傳聞講到「黃山歸來不看嶽」咁誇張？如果係都唔錯，咁就唔洗再去其他五嶽@@今次黃山旅程已經期待左好耐，本來應該早一個月自己出發，不過有小小阻滯所以去唔成...「塞翁失馬，焉知非福」，咁岩有朋友去黃山，咁就岩晒啦可以跟住朋友一齊去，而且朋友已經plan好晒 全個旅程，酒店﹑包車﹑行程都唔需要我操心，只要買好來回火車票就可以安心收拾心情，期待出發 今次7日行程： Day 0：香港 - 深圳 - 南昌 Day 1：南昌 - 杭州 Day 2：杭州 - 紹興 - 杭州 Day 3：杭州 - 湯口 Day 4：湯口 - 黃山風景區 Day 5：黃山風景區 - 湯口 - 盧村 - 宏村 Day 6：宏村 - 婺源 - 屯溪 - 深圳 Day 7：深圳 - 香港 為左慳旅費，我就唔跟朋友坐飛機去杭州啦，復活節來回杭州機票四千幾蚊太貴了 我坐火車去杭州等大家，去杭州火車票早20日已經係網上買好，原來呢班車真係好多人搭，唔洗半日已經賣晒所以臥鋪票...好彩我九點已經坐係電腦前，成功買到車票~ 今次會先由深圳坐到南昌，再由南昌轉車去杭州，可能會覺得奇怪，點解唔直接坐火車去黃山/杭州？原因就係黃山/杭州火車係下午開車，要就放工時間只可以揀放工都趕到既呢班T186次列車 28/3/2013 第一天 又再次來到深圳火車站，上一次係深圳火車站上火車已經係一年前既事 乘坐深圳往沈陽火車，當然唔會坐到去沈陽咁遠，坐大約10個鐘已經係南昌落車 乘坐硬臥車箱，其實我真係好鐘意火車既感覺，訓係道部火車搖下搖下，又有路軌隆隆聲，呢種感覺真係好特別~唔經唔覺好快就到左10點關燈時間，夠鐘訓覺啦 早上六點半準時到達南昌火車站，開頭都有少少擔心火車會delay而趕唔到下一班火車，因為火車係第一個東莞站已經晚點15分鐘，第二站晚點20分鐘，好彩訓醒就變返準時 南昌火車站好好好大 第一次去到江西地方，對好多野都好好奇，馬路都影得一餐 見仲有時間，所以就先食個早餐個再上杭州火車，咁就唔洗係火車挨餓...係火車站對出是但揀左間麵店，簡簡單單又一餐 好多人等上車，我就坐埋一邊唔同人迫啦 鏡頭一轉已經去到杭州，不過呢程車坐得好辛苦，因為上車前冇同人迫入閘，又掛住影火車相，結果車上所有行李架都full晒，個大背囊要放係腳道，仲迫過坐巴士...坐去後面既空位又比乘務員趕返去自己個位......呢個故事教訓既係下次唔理3721迫左上火車先算 去到杭州南站想買火車票去紹興，結果係連企位都冇...仲諗住和諧號比較易買到票......下次都係買左先算，今日真係出師不利 既然冇得去紹興，唯有坐巴士去杭州hostel，放低行李再作打算...坐下坐下，又要轉車，用左足足兩個鐘終於去到西湖邊落車 就係好靚既美術館對面落車 行多幾分鐘就去到住既地方，柳湖小築青年旅舍 放低行李，真正杭州之旅正式開始 先出去搵食，去左河坊街旁邊既高銀街，全條街都係餐廳食店，去左一間叫「咬不得」既餐廳，食最出名既生煎包，好好食~上一次食生煎包已經要數到一年前係上海食既小掦生煎，又係好好食 路過河坊街，有病可以入去睇醫生 遠望山上城隍閣 沿路行去西湖，杭州既街道都唔錯，環境好清潔，感覺舒服 一路行，好快就行到去西湖邊既公園 就算未正式行到西湖，係呢道已經可以感受到西湖悠閒氣氛，眼前望到既都係美麗既花草樹木 點擊圖片放大 +2 「欲把西湖比西子，淡妝濃抹總相宜」 上次到西湖係冬天，冇花既點綴，只有綠樹成蔭，係雨下漫步西湖，別有一番風味；今次再來到西湖，多左七彩繽紛既顏色，就好似蘇軾筆下既西子，不論淡粧定濃抹都有不同既風味 櫻花 點擊圖片放大 Hostel就係西湖邊，唔經唔覺就行到返去，休息左一陣就出發去火車站買明天既火車票 原本去火車站既Y2已經冇車啦，咁只好慢慢行過去，如果有時間既話行下路都係一個唔錯既選擇，可以睇到呢個地方既發展，又可以見到本地人既生活，仲可以見到一D遊客見唔到既野~ 買火車票既時候出左個小小問題，我都自知自己唔識講普通話，每次買火車票既時候都會寫定要買既火車班次﹑時間等等資料上紙仔方便買，今次買票既時候售票員突然同我講no second class，突然比佢用英文嚇一嚇，佢講左好多聲都冇比反應佢...其實我係想同佢講我想轉一等座，但就猶疑緊用中文定英文答好，最後係答都唔洗答，佢比左張無座票我...之後又要死死地氣去旁邊排多次隊轉一等座...... 又行到返去高銀街搵野食，呢間就係下午食過既咬不得，真心覺得D生煎包唔錯(其實我對食野要求好低，只要正正常常我就好滿意) 成條街好多野食揀，花多眼亂 揀左間好多人既鋪頭，都算試下杭州菜式，味道OK 食飽就去返旁邊既河坊街，慢慢散步，沿路行返去西湖邊既Hostel 點擊圖片放大 +3 呢間萬隆火腿好似好出名，好多地方都有介紹，係唔係真係咁正就唔知啦 第一日行程就係咁結束啦，大約十點返到Hostel，同房既室友已經返晒去仲準備訓覺，真係好早...咁唯有做所有野都輕力D細聲D，希望唔會嘈住其他人訓覺啦
