趁住疫情緩和咗少少, 我哋今日就帶咗阿be豬去k11 musea 玩下🥰本身都諗住只係行下,冇諗住買嘢,但一出停車場就見到呢間好可愛嘅舖頭🐻 又見到好多小朋友輪住整公仔,所以我哋俾佢吸引左入去睇吓😂睇睇下原來佢d價錢都唔太貴,一隻大概$100-200左右阿be豬見到隻bear bear 已經心心眼,仲走去攬住佢😂 所以我哋決定買一隻黎試吓佢有幾多step要跟住做架第一係要揀一隻你自己鍾意嘅公仔第二就係拎呢隻公仔去部機附近搵員工幫你個公仔入棉花與此同時你可以選擇入唔入埋一粒發聲器入去 員工會叫小朋友行前,叫佢踩一個制,一路踩,部機就會開始入棉花 成個過程大概兩至三分鐘就會完成整完之後個員工會俾一個心俾小朋友放入去個公仔到 (呢個動作好有愛呀,好似俾左個生命俾個公仔咁) 第三就係睇吓使唔使幫公仔買衫或其他配件第四就去counter到揾員工,佢哋會帶你去我電腦度幫個公仔改名同入小朋友嘅資料,入哂之後佢會幫你印張出世紙出嚟之後就放隻熊仔入去個盒到點擊圖片放大 最後當然就係俾錢啦🥰Overall 個experience 都幾好,小朋友可以參與製作,會對呢個公仔特別有感情❤️ 詳情可以去睇下 https://www.k11musea.com/zh-hk/shop/build-a-bear-workshop/
