仲有一個星期就N班開學啦, 你地準備好未?N班小朋友今個月29號就正式開學啦!!! 我相信做家長嘅都好似我一樣, 又開心又擔心開心嘅係小朋友終於可以番學認識朋友仔, 享受學園生活 :)擔心嘅係怕小朋友開學個時未接受到, 一時間適應唔到阿BE豬本身係一個好怕羞, 驚新環境, 唔跟陌生人, 容易喊...仲要喊好耐嘅小朋友所以佢媽媽, 即係我一早已經同佢上PLAYGROUP, 等佢無咁怕人但又因為個疫情, PLAYGROUP 又無得上, 人又見小左, 所以下星期的開學日本來確實令我好擔心好好彩地阿BE豬學校安排左呢兩星期有幾日俾佢地親親校園, 等佢地可以知道學校係點, 入到學校個程序係點, 又可以見下老師👍🏻作為家長都唔可以依賴晒學校, 我哋亦都要自己心理輔導一下小朋友呢度係我小小嘅心得：1） 開學前帶小朋友喺學校附近行吓, 等佢熟習一下個環境,介紹一下返學嗰陣時喺邊個門口入去, 咁樣小朋友使返學就唔會咁抗拒啦2)如果學校之前有拍低左啲影片嘅話，可以返學前一兩日比小朋友再睇過，等佢更加認識學校入邊係點3)呢一點我個人覺得係最重要,就係家長對小朋友嘅心理輔導例如同佢講下校園生活係幾咁好多姿多彩,返到去有好多同學會同佢玩,又有唔同嘅玩具可以玩仲要記得慢慢咁灌輸佢爸爸媽媽係唔會一齊喺班房入邊,爸爸媽媽會喺學校出面等佢放學,等佢可以安心啲同有安全感❤️雖然唔知以上3點work唔Work，但係都希望幫到大家
