唔知大家覺得上一篇BLOG 嘅內容啱唔啱洗呢~如果無你心水嘅學校, 你可以睇下今次呢幾間幫唔幫到手 :)1) 新加坡卓薈國際幼稚園 SDM Chatsworth International Kindergarten我地對呢間學校有興趣係因為我同阿BE豬爸爸都好鍾意新加坡,希望第時可以移民去個到呢間學校係新加坡chatsworth 嘅分校, 課程亦係跟新加坡一樣我地係未interview 之前都已經參加左佢舉行嘅講座, 都覺得呢間學校唔錯面試又因為疫情而變左個別約時間interview面試當日我地去到就有個Admin哥哥同我地對資料, 跟住就叫我地去佢個indoor playground 玩住先大約玩左5分鐘之後, 有位外籍老師出黎叫我地入課室入到去佢就搵D玩具去吸引阿BE豬去玩唔知係唔係個playground太吸引, 所以阿BE豬一入到課室就話要出番去好彩老師都好好人, 俾佢係出面一路玩一路IN問題都係叫小朋友認顏色同生果, 唱下wheels on the bus 就完成左~完左面試之後, 副校出左黎同我地傾下計, share 一下校園生活我地覺得呢間學校唔錯, 如果你小朋友講野唔太的話, 可以考慮一下. 因為佢個創辦人係言語治療師, 佢地會好留意小朋友嘅語言進度Result: AM OFFER2) 德萃幼稚園 St Hilary's Kindergarten呢間學校吸引之處係佢有一條龍去到中學, 仲要有IB課程我地都有係面試前去過聽佢個講座, 的確好吸引學校嘅配套同課程確實係好好, management 個班底勁. 我同阿BE豬爸爸都覺得好啱心水面試過程係一去到就入去一間課室到等, 個課室入而有好多圖書可以睇過左一陣就有老師叫我地入去面試, 佢地一個課室有2 GROUP 人面試In 我地個位係外籍老師, 佢都係叫小朋友認下顏色, 指下椅枱上嘅物品(有星星, 太陽 etc)老師會問家長平時會同小朋友去邊, 鐘意做乜, 鐘意邊首歌 etc面試過程大約十分鐘左右我同阿BE豬爸爸去完間學校都覺得一般, 所以無乜特別期望Result: PM offer3)維多利亞幼稚園 Victoria Kindergarten呢間係我心目中排名最高嘅一間, 亦都係我地最後決定讀個間點解咁鍾意? 因為佢地行3班主任制, 意思係一班入面有廣東話, 普通話同英文老師在場, 語境好好同行IB. 學校歷史仲好悠久 :)面試過程好smooth, 準時開門俾一位家長同小朋友入去入到學校就去個in door playground 到玩一陣, 阿BE豬已經俾佢D車車吸引住, 玩得好開心好彩老師叫佢入去班房個時無扭計班房有大約6-8個小朋友一齊interview老師首先唱下歌跳下舞,之後叫小朋友放番手上嘅波波入番去正確嘅顏色盒入面就完成interview後老師仲會送一件小禮物俾小朋友 :)阿BE豬個表現好好, 仲笑住咁走, 好似好鍾意呢間學校咁我地亦好順利地有second in, 原本係要見家長, 但因為個疫情, 變左做問卷形式問卷內容主要係問小朋友日常用開乜語言, 家長如何配合ETC... 可以用中文/英文作答總括黎講呢間學校係面試過程,衛生同時間安排方面都做得好好! 可見佢個管理層同老師都應該做得唔錯 :)Result: AM offerPS 記住食個開心嘅早餐先去interview呀 :P 我嘅PN面試分享完, 希望可以幫到大家!!!!