要去英國working holiday, 一定要知道BRP(Biometric Residence Permit) 同 NI (National Insurance) 到底係咩嚟, 如果唔係就無辦法喺度做嘢。 BRP (Biometric Residence Permit) BRP 即係你留喺英國期間嘅身份証, 銀行卡尺寸及有相。Tier 5 Visa 申請獲批會收到封信, 信上面寫明入境時要將封信交埋比immigration offer, 入境後10 日內你都要憑信去指定郵局領取BRP, 信上面有註明地址。我唔知道如果遲咗拎BRP會點, 但你有責任照做, 不過都有人因為政府做錯嘢而幾個月都未拎得BRP。 護照上嘅Visa期限寫住只有1個月, 申請人必需要喺呢1個月入境英國。BRP 上面會有個期限, 計埋你護照上嗰1個月就2年喇。 NI (National Insurance) (申請詳情 https://www.gov.uk/apply-national-insurance-number) 正常每份工僱主都會問你拎NI number, 呢個號碼類似你嘅稅務號碼, 啲錢會用去做社會福利, 我都唔會理要交幾多, 因為僱主已經幫你於出糧前會連稅一齊扣咗先, 想知可以睇返糧單 申請方法都唔複雜, 只係打個電話去答下問題, 職員就會寄張申請表比你, 你填好後寄返比佢, 再等幾個星期就會收到信。電話答哂問題之後記得抄低佢比你個ref. no., 好多人都試過收唔到申請表, 或者收唔到最後封信, 想打電話去問就要提供ref. no. 好多人話無NI就唔可以做嘢, 其實你可以同僱主講你申請緊, 後補比佢, 除非係超大公司, 否則好多都接受後補。 至於申請要幾耐, 好睇好唔好彩, 有人等張申請表都等咗1個月, 甚至有人被要求去interview。我都算順利, 時間大概如下 更多Aqua Fish在倫敦的日常，請Like FB page 倫敦在香港的9,606公里外 - Aqua Fish email : aquafish0901@gmail.com
