開銀行戶口係非常重要嘅一件事, 你唔會想帶住幾個月嘅生活費喺身住hostel或air bnb。比較多香港人會用嘅有HSBC, Lloyds 同Barclays。英國開戶口係要預約, 可唔可以約到即日就睇運氣喇, 我好好彩第一日去銀行就約到, 有人取消預約所以我可以頂上。 如果你用BNO, 非常推薦你用Lloyds, 因為用BNO於Lloyds開戶口唔需要英國住址証明, 不過都需要一個收到信嘅英國地址, Lloyds會將你張debit card同密碼寄比你。另外, 開Lloyds戶口可以開埋Internet banking同app, 簡單易用。 英國幾乎度度都收卡, 呢度嘅普通銀行戶口 (debit card, 即係即時戶口扣數) 都係16位數嘅Visa card號碼, 聽講英國好難申請到credit card (即係預先批一個限額比你, 月結計數先一次過找數,) 但debit card都已經可以上網買嘢, 所以無打算申請credit card, 同香港一定要另外申請credit先買到嘢唔同。另外, 英國提款機拎錢同轉賬過數都無限銀行, 不收手續費, 唔似香港如果用HSBC過中銀銀聯要收錢。 如果用特區照護, 你喺香港又用開HSBC, 可以去China Town HSBC (Leicester Square站) 度用你香港HSBC嘅月結單, 做overseas地址証明開戶口, 由於好多香港人都會去嗰度開, 聽聞好多人要等好耐先預約到。 由於我開咗Lloyds, 所以就算我係香港係用HSBC我都無去開。 順帶一提, 有部份香港信用卡/銀行戶口做網上交易時要用SMS, 例如我用DBS信用卡就要, 記得去銀行改返個手提電話做海外電話, 如果唔係可能就用唔到架喇 更多Aqua Fish在倫敦的日常，請Like FB page 倫敦在香港的9,606公里外 - Aqua Fish email : aquafish0901@gmail.com
