英國出街食唔平,多數人嚟到都會煮下飯仔, 慳錢要緊嘛! 上次同香港人中秋節喺China Town食飯講開,原來都唔少人喺香港無煮開, 又或者煮到諗唔到煮咩, 我又share我平時亂煮啲咩平野先!以下全部材料大大包購自Sainsbury's, 窮人恩物! 0難度焗意粉 </a 準備時間:15分鐘 價錢:£1-1.5 材料:磨菇(80P)、意粉(都係幾十P睇你買邊隻,任何一款都可以)、芝士(我買mozzarella £1.75)、意粉醬 (呢隻幾好食,特價可以平到£1) 份量:一個人食2餐 做法: 1) 將意粉按包裝指示煮熟 2) 磨菇切片 (6粒有咁多) 3) 煮意粉時, 最後2分鐘將磨菇加入, 一齊烚熟 4) 加入意粉醬撈勻, 加少少水無咁咸咁乾, 可以加入少少香草(百里香, rosemary, parsley有咩落咩都可以) 5) 加芝士碎,放入焗爐 (熱啲都得, 只係想焗熔啲芝士,最好睇住個火) 6) 食得 Remarks: 1)基本上只係將材料烚熟, 唔洗調味, 應該點都食得 2)今晚跑完步唔想咁heavy所以只落磨菇, 可以加煙肉粒/肉碎/洋蔥粒/椒類等, 呢啲最好先炒熟, 你想烚都可以嘅 3)有heart可以自己買蕃茄等材料做意粉醬, 但會貴少少同要少少廚藝 更多Aqua Fish在倫敦的日常，請Like FB page 倫敦在香港的9,606公里外 – Aqua Fish email : aquafish0901@gmail.com
