難得可以放低小朋友，當然要同老公揀個寧靜又有情調嘅餐廳食晚飯。呢日我地就去左間位於佐敦的隱世庭園餐廳 - Chelsea Garden 嘆西班牙菜，無論係環境同食物水準都一樣有驚喜！ 餐廳位於大廈的4樓，入到去已經被周圍的園庭式佈置所吸引，加上有落地玻璃，我哋坐於窗口旁的梳化位置非常舒服。 而餐廳外還有一個小小的花園平台，放滿了不同的植物，令人有種忘掉繁囂的感覺，像是置身鬧市中的一點綠洲！ 點擊圖片放大 首先來了Blue Mussels，分量很大，青口啖啖肉而且感覺幾新鮮，白汁味道剛剛好易唔會太重酒味，啱晒我哋口味。 老公點了黑松露野菌忌廉湯，而我果個係跟餐的蟲草花野菌忌廉湯，冇諗過原來蟲草花可以加入西餐元素，而且飲起上嚟味道仲好夾，而忌廉湯都好足料，食落有啖啖攪碎了的野菌。 頭盤方面，老公點左美國黑安格斯肉眼扒， 肉質鮮嫩，充滿油香同肉汁，就算不加醬汁都已經好好味。 而我的黑松露野菌焗西班牙燒雞，皮脆肉嫩，就算雞胸部份都唔會好韌，而且店員仲好貼心，端上後仲問我需唔需要切埋俾我，對我呢啲懶人當然係求之不得。 呢度仲有不同的甜品，不過實在太飽了，雖然想試但已經食唔落。 除咗餐廳裝潢，呢度連洗手間裏面同樣放滿了不同的植物，令人感到它的用心。 我同老公都好喜歡呢度，下次一定會再嚟！ ********************* Chelsea Garden & Restaurant 地址: 佐敦柯士甸道7號UQ Place 4樓 電話: 39740822 ============== 四月媽媽手記 FB: http://facebook.com/april.mamama IG: http://instagram.com/april.mamama Email: aprilhui412@gmail.com
