依家除咗運用專業嘅拍攝器材拍片，其實手機都可以拍攝出同電影一樣專業嘅畫面。無論係人像、風景、美食等，只要掌握到手機拍攝嘅技巧，手機拍片都可以同使用專業拍攝器材去拍片一樣咁專業㗎，而且仲簡單好多添！ 拍攝《瘋人院》呢套電影而聞名嘅導演史提芬·蘇德堡，只係用咗 3 部iPhone 7 Plus、同埋十日嘅時間就完成咗呢部經典驚悚嘅電影。運用手機都可以拍出不輸給由專業器材所拍攝嘅恐怖片，你係咪都有興趣想知點樣做到用手機拍攝嘅簡單技巧呢？一起睇吓以下嘅技巧啦～手機拍片技巧一：善用手機內嘅拍攝功能 圖片來源：https://www.freepik.com/free-photo/close-up-recording-video-with-smartphone-during-concert-toned-picture_11296193.htm慢鏡頭拍攝及縮時攝影都係好好嘅手機拍片功能，當然都係唔少電影裏面會出現嘅拍攝手法之一。呢啲功能用起上嚟好容易上手，仲可以為影片帶嚟唔一樣嘅感覺。除咗正常速度拍攝，喺影片中使用慢鏡頭或者縮時拍攝能為觀眾帶嚟新鮮感。而手機嘅構圖線都可以幫助拍攝者搵到適合嘅角度，手機嘅曝光功能更加可以運用喺轉場嘅畫面上，更容易營造懸念添！手機拍片技巧二：錄影格式設定 同使用一般拍攝器材一樣，正式roll機前都需要確認錄影格式設定係咪正確，因為格式設定最後會影響影片尺寸大小以及最終格式輸出，有機會影響到畫質同埋畫面呈現。想保有出色嘅拍攝效果的話，一般建議將錄影格式設定至最高，例如畫質設定為4K/30fps，盡量不低於1080p/30fps。手機拍片技巧三：景深 景深係非常重要嘅手法，就好似你希望觀眾嘅注意力集中喺一個點。呢個技巧適用於介紹角色或者字幕較多嘅畫面，喺觀眾唔使咁暫停之餘都可以充分睇到影片想表達嘅嘢。同埋記得將對焦功能設定去手動，避免拍攝過程出現錯誤對焦嘅情況，到時又要重新拍過喇！（哭）手機拍片技巧四：橋段轉折 一段合格嘅影片內容理應有起承轉合，而橋段轉折能否自然地帶領故事發展就十分重要喇！例如可以利用背景音樂起轉折嘅部份，就好似鬼片咁可能突然有隻鬼跑出來，呢個時候人會緊張再加埋恐怖嘅音樂就可以帶出恐怖片嘅刺激感。人嘅專注力其實唔長，無辦法睇同一個畫面超過五分鐘以上，所以要避免長期處於同一個畫面，防止觀眾覺得沉悶。以上就係四個關於手機拍攝嘅基本技巧，如果你想了解多啲關於手機拍片嘅技巧同過程，歡迎一齊報名參加點止學嘢嘅手機拍片課程啦！
