首先十分多識ulifestyle, 早前用380積分換左安城湯麵1包，入面有5包麵，所以就決定煮來試一試味。材料： 用返韓國的芝士卷、炸雞塊做配料煮安城湯麵。呢2款野食係急凍的，由於唔識韓文，就決定用最傳統的方法處理-用油煎返熟。 芝士卷和炸雞塊各取2件，安城湯麵2包，因為我今次只煮2人份量。過程： 用油加熱 先煎芝士卷，煎至軟身就可以 有機會出現芝士餡爆出來，因為本身見到有些芝士卷的外皮係爆開左。 當2面芝士卷煎得差不多，我就煎多一面側面，和開始煎炸雞塊。同時亦都煮緊安城湯麵，需要寫4.5分鐘，折開後見到附有一包湯粉 麵煮好之後倒走水，用清水煮菜，差不多菜煮好就加入湯粉。 把熟好的食材放入碗。 加入湯和葱粒就食得。 炸雞塊真係幾似老麥d雞樂雞塊，但就外皮香脆一些，口感紮實少少，而且有調味料的香味，好食過雞樂雞塊。而安城麵條亦都彈牙有口感，幾好食，湯底辣辣地，幸而我只加了1.5包，怕辣得濟，食到辣的人先好加成包湯粉。 芝士卷外脆，內裡有層似麻糬，然後最裡面有芝士，芝士味都幾香，個人食完都覺得鐘意！去唔到韓國旅行，可以買到簡單的韓國食材返屋企食都幾好，而且簡單加熱就食得，呢2款韓國食材我係k11 musea的Cookat market買的，位於商場B2層，見到green common店後，在右邊直行到尾就會見到，佢地有急凍雪櫃放係度，仲有其他野食賣，下一篇我再介紹
