去Don Don Donki試買火鍋材料，主要買左肉類，有2款不同的牛肉，一款豬肉。 最上兩盒是牛肉，味道不錯，但肉就細塊碎d, 售價以重量為主，一盒幾50幾蚊至過百蚊，我就選左盒50幾和1盒70幾蚊。 下面的牛肉和豬肉就是急凍的，需要提早解凍，味道都不錯，而且價錢仲平到估唔到，豬肉每包$36,而牛肉約$50. 份量都幾多。 我地都連續2晚打邊爐先差不多食得晒今次所買的火鍋材料。 而蔬菜係去完DONKI 後，經過香港街市買的，因為屋企人見到有張優惠通知，掃一掃Code就可以係微信錢包得到優惠卷，買滿40蚊減20蚊，直接於微信錢包都可以揾到優惠券。 圖中的蔬菜我都是選擇1份份裝好的，總共買了3份($29), 蕃茄買了8個，最後埋單50蚊，用券後只是比左$30,抵！蕃茄是買來煮特濃蕃茄火鍋湯底用的，材料和製法亦很簡單。材料：蕃茄8個，洋葱1個，蒜頭6粒，糖1茶匙，鹽1小撮，蕃茄醬5湯匙，500ml水，1000ml雞湯。製法：1 先把蕃茄切件、洋葱切條、蒜切粒。2 鍋預熱，加少少油炒香蒜粒和洋葱，炒至洋葱變軟身。3 加蕃茄炒軟身，有出水的狀態4 差不多炒好時，加入糖、鹽、蕃茄醬拌勻。5 加入500ml水和1000ml雞湯，煮成蕃茄濃湯即完成。由於我地只係4個人食，個火鍋爐亦不算太大，所以煮成的火鍋湯底一共分了2次來打邊爐用。除了再次用來打邊爐外，食唔晒放雪櫃，用來煮烏冬、麵、通粉亦可以，呢個十分百搭的湯底，而且比外面的現成湯包健康，大家不妨試一間自製呢款特濃蕃茄火鍋湯底啦！
