第一間要介紹就係 世界上所有的早餐 세상의모든아침 論室內環境，景觀，食物 overall係最好最值得去。 室內裝修簡約，有好多植物，有溫室，空中花園感覺。而且樓底高，枱與枱之間都有足夠空位，所以空間感十足，成個環境好舒服。天花上的吊燈好簡單作少少點綴已經好靚。 另外都有好多盆栽，令到白色裝修得來又唔會有太凍冰冰或者冷清感覺。點擊圖片放大 食物反而普通，唔算太好味，一般水平，擺盤亦唔算好靚。 景色好靚，如果想坐窗邊就記住要book～ 第二間介紹就係 BIMBOM 位於梨泰院，地鐵行過去要大約十分鐘，附近有外國人集中的小區。 法式多士做得幾好，唔太膩，好香蛋味，配埋少少糖漿，焦糖香蕉同藍莓，有幾種香味個味道剛剛好。炒蛋同煙肉亦都整得好香，唔會太油。成碟有鹹有甜但都配合得好好，好match～ 環境就唔算好靚，白色簡約裝修，不過都舒服同坐得鬆動。 第三間就係 Cafe Able 位於新沙洞林蔭道附近，所以都好方便。 室內係走後花園風，好多花草，窗口對住馬路，景就冇但有d風吹入黎個感覺都好似真係到左郊外既feel。 法式多士感覺好華麗，好多水果，仲多過多士。但全部水果都好甜，所以就算落好少糖漿都覺得有少少太甜。不過望住同食完就真係好滿足。
