**今次用oreo做夾心，我覺得仲好味過用朱古力** 用小丸子烤盤 +pancake mix +oreo +自己喜歡的水果/雪糕/朱古力醬/忌廉/糖漿…. = 美味的pancake waffle Enjoy!!好香口啊!! 其實我都唔知佢做乜好, 又似雞蛋仔, 又似WAFFLE, 又係用PANCAKE MIX做的。 其實做法好簡單, 我只係買左現成的PANCAKE MIX 即班戟預伴粉, 就可以做到了。 材料：PANCAKE 粉、OREO迷你夾心餅、你喜歡的配料 做法： 1. 按包裝指示開班戟粉漿。(我用日本北海道班戟粉。) *****我用了共300g, 才夠舖滿整個烤盤*****班戟粉漿多了不要緊, 可放雪櫃第二天再用啊! 2. 開小火「low」預熱一下，用廚房紙抹少少油於烤盤上，每個位都要抹少少，少少就可以了, 本身這個烤盤不黏底。 3. 調校火力到low 至med 之間(勿去盡med位)，把粉漿倒於烤盤，填滿凹位，然後把迷你oreo 夾心餅整粒放入凹位 (可見於影片做法)。 4. 烤盤未填滿部份繼續用粉漿填滿。但注意又不要太厚，否則表面好難熟。可以用工具抹平一點。 5. 推回近小火 **千萬不要大火** 我只是一開始推大少少, 其後都是keep 接近小火(實際火力可看POST內照片), 否則表面會燶了, 顏色就冇咁靚。 6. 我沒有蓋上蓋, 因為會黏住啲粉漿。在沒有蓋上蓋的情況下, 小火加熱了15-18分鐘左右就會熟。大家可以拿牙簽測試, 把牙簽插入最厚的位置, 拿出來沒有黏, 牙簽乾爽就代表熟啦。 7. 翻轉把另一面略加熱約3分鐘, 然後就可以上碟裝飾了。 8. 裝飾用了oreo 餅、士多啤梨、忌廉、朱古力醬。實在太多配搭, 喜歡什麼就加什麼吧。 簡短製作片段:https://youtu.be/hUzXh9zEPb8
