工作關係 3星期既上海之旅相當充實 今次既旅程同過往有D唔同 自稱Backpacker 既我 終於要用上喼 仲要係大喼 大到overload 重量係24KG 來回都冇收我錢 哈哈哈哈 21日都幾長時間 加上第一次寫Blog 對我依D得半滴墨水既港孩實在極具挑戰性 好多野想精華得黎又唔太Hea 就等我慢慢寫 慢慢Share啦 食 著名既生煎 小籠飽 係必食之選 基本上 周街食都平靚正架啦 酒店隔離有上海最多店既小楊生煎 大家不防一嘗 佳家湯包 真係不得不排 即叫即做 平靚正 食法係 湯包頭頂咬一小啖 先飲DD湯汁 再成粒放入口 鮮而不膩 正 我呢 去親旅行主張咩都會試 越地道 越本地 越平 通常都越好味（個人喜好） 依間係番工 Lunch 本地同事推介 平靚正 老字號 舒蔡記 面 10蚊內有交易 菜飯10蚊 生煎6蚊4隻 量多價錢平 本地人之選 當然仲有夜市推介 昌里路 有海鮮BBQ 串燒等等 推介大王鍋貼 係我既上海TOP1 薄薄既皮包住濃汁 焦脆底部 味道一流 食到鮮味架！ 另一著名既係上海 霍山路 豆漿大餅油條 真正既本地人一定知 宵夜最岩 但附近有好多類似既鋪 大家記得唔好去錯 上海市虹口区霍山路203号 另外大家一定要去食依間新疆菜 耶里夏丽 食左兩餐 仲想再去 有Finland素食者同事 都表示好岩口味 我就中意佢既羊肉 好食到停唔到口 新疆氛圍既環境 加上性價比高 值得一去（牛奶飯 烤羊腿超級好食 ） 最後要介紹既係 南京東路 申報館 活化既 The Press by Inno Coffee 上海申報館係近代中國發行時間最耐 影響最大的報紙《申報》的報社大樓 行行下經過 比佢既外表吸引住 價錢同香港差唔多 第一次去係Tea time 飲左杯Flat white （有拉花 味道唔錯） 第二次去 晚餐 質素真係唔錯 量都幾多 環境5粒星 兩個人叫左4樣野 飽到食唔哂 我最中意係茄子Pizza 薄脆汁多 味口唔濃 岩哂我 住 平時住開Hostel 今次第一次住靚酒店 住到唔捨得走 新世界麗笙大酒店 上海中心點 人民廣場站 去邊都好方便 行去外灘都唔遠 （但奈何人太多 實在幾靚既景都迫到冇哂Mood） 但酒店laundry既價錢 真係好貴 件計 60RMB 起 係起！ 雖然有allowance 但真係唔想豪比佢 ......
