祝大家新年進步呀‼️之前連續放假掛住周圍食好西，唔記得左蒲一蒲頭🤣 而家放寬埋晚市堂食，大家有冇報復式出街食呀？不過今日想同大家開心share係屋企整嘅美食🤪 呢個號稱「零失敗氣炸鍋蛋糕🍰」，挑戰嘅人唔係我，係我媽🤣我負責食同影架姐😆 媽媽上網搵左好多款食譜，再加上氣炸鍋群組入面嘅開心share，就砌成左以下嘅食譜：材料：奶油乳酪( natural cream cheese) 250克鮮奶油 (whipping cream)170克香草精0.5克低筋麵粉 6克雞蛋2個 105克蛋黃1個 15克細糖 80克做法：1.奶油乳酪先室溫軟化後，攪拌棒打到滑順 2.細砂糖分兩次加入，打到滑順，感覺不到砂糖顆粒。 3.加入蛋黃、全蛋、香草精、鮮奶油，加入過篩後的低筋麵粉，攪拌均勻 4. 六吋分離式蛋糕模鋪上已被手捏得皺皺的烘焙紙，把麵糊倒入，把表面氣泡消除5. 氣炸鍋預熱200度10分鐘 6. 把半製成品放進氣炸鍋，用180度焗18-21分鐘，不時打開看看裡面，看看能否做到心中想要的焦度7. 烤完以後不用脫模，直接移到架上放涼 8. 蓋上保鮮膜，冷藏8小時以後就可以享用由於我一心等食，所以過程就冇圖睇喇🤣 直到出爐我先埋去湊熱鬧😆剛焗完，深色到反晒光： 放涼左就皺皮了： 擺入雪櫃4小時後⋯我就忍唔住要切喇🤣：圖一：雪完同放涼左個樣差不多，冇再下陷 圖2：切開好流心🤣雪耐少少會靚仔啲✌🏻但口感好軟滑👍🏻👍🏻👍🏻 總結：今次媽媽挑戰成功‼️如果我唔係咁為食，等多一兩個鐘應該口感會更好😆FB:https://www.facebook.com/AntoniaC.diary/IG:https://www.instagram.com/antoniac_diary/
