前幾日掛住陪男友🤪今日終於抽返啲時間陪屋企人😚爸爸話想食牛扒,當然由我嚟出手啦🥩最叻就係煎扒(事實係只係識煎扒⋯) 由於媽媽唔食牛扒,所以佢買左比目魚🐟爸爸食肉眼,多啲油香😅我就鍾意西冷嘅口感 為左令成個大餐完美啲,粗粗地都買左盒即沖南瓜忌廉湯,係759買,用埋電子錢包嘅優惠,只需$5.9就有三包😂不過太甜冇乜南瓜味 爸爸揀埋枝紅酒🍷係一田買,$47都夠兩個人飲,品質唔差,入口唔會太嗆☺️平平地算係性價比之選啦 餐檯亂亂地,盡力影了😂有菜、肉、澱粉質都有哂,勉強都叫做營養均衡丫 大約買左$50沙律菜,其中我覺得羽衣甘藍最夾到牛牛嘅味道👍🏻仲有紅色嗰兩粒蘿蔔仔,睇佢個樣同車厘茄有少許似,但口感就真係生蘿蔔咁爽脆😋都幾好食 我同爸爸都鍾意食生少少嘅扒,今次煎到大約5成熟😍我自己都好滿意,啲顏色粉粉嫩嫩咁,真係睇相都好回味😍 食完扒仲食左少少藍芝士,聞落好臭但食落又幾醒神🤣唔會好膩臨完場仲食左條雪條😂呢個晚餐實在好豐富,為長假期畫上完美句號😋FB:https://www.facebook.com/AntoniaC.diary/IG:https://www.instagram.com/antoniac_diary/