受到晚上禁堂食令嘅影響，實在好難諗有咩節目😅日頭食飯慶祝又冇乜氣氛，唯有staycation可以見耐啲又唔洗戇居居周圍行😅之前試過幾次staycation，都係去利景酒店，今次搞搞新意思‼️揀左銅鑼灣智選假日酒店，更加近唔同商店，買嘢食就更方便‼️ 食咗個聖誕午餐之後，就嚟到酒店check-in😆大堂有埋零食機，就算半夜口痕想食嘢都有得買😍 由登記嘅櫃位就睇得出酒店方面好細心，連顧客會掂到嘅筆都有分已消毒/已使用👍🏻盡量減低唔同顧客交叉感染嘅機會 原本book房嘅時候係講好咗有自助早餐，不過可能因為疫情嚴重嘅關係轉咗做送餐服務，直接送到入房享用😋對我哋來講仲好，因為男友一定唔會咁早陪我落去食早餐😂 入到房都比我想像中闊落，有梳化🛋️仲有檯仔可以食嘢 我哋住嘅樓層比較高，都睇到有一小忽海景😂(大家搵唔搵到呢) 個小雪櫃收埋咗喺衣櫃入邊，好神秘，難怪我之前特登睇相望下有咩設備時睇唔到點擊圖片放大 廁所都好企理👍🏻仲有一個小驚喜，馬桶嗰邊可以自成一角，將成個梳洗空間嗰隻門拉埋去😜其中一個去緊廁所嘅時候，另一個都可以係隔離沖涼/刷牙😚梳洗用品都算齊全，不過男士就可能需要自備鬚刨 放低啲嘢就出返去行街，行到過哂時買唔到一心諗住食嘅海膽壽司😭求買啲炸雞返去算😔枉我仲特登去Donki買左啲烏龍燒酌諗住邊飲邊食壽司🍣 行Donki仲有一樣意外收穫🤩居然俾我搵到呢個一直係citysuper都斷貨嘅「巴斯克焦香芝士軟心蛋糕」😍$59.8，貴就貴左少少，但堅好味，唔會一味得個甜字😚 🤣男友仲提議買面膜齊齊敷，貪靚程度比我有過之而無不及 前段提過，個自助早餐改左送上房😂我地兩個都揀左果汁+蛋沙律三文治+熱茶🤣服務員執好哂一個紙袋入哂，一開門就可以極速交收😂個三文治都幾好，生菜蕃茄同啲蛋沙律嘅比例啱啱好😋今次整體體驗都唔錯，由於我地上月中已經book左，價錢都唔算貴😉聖誕節收四百幾蚊都可以接受啦😃最後提多一句，房內有兩樽380ml嘅樽裝水，如果你唔係好似我咁鍾意灌水嘅話，都唔需要特登買嘢飲上去🤣銅鑼灣智選假日酒店📍:銅鑼灣霎東街33號#staycation#我有拉窗簾#唔知我講緊咩嘅請參考我平安夜嘅帖#美中不足係食唔到海膽壽司#除夕再食過#foodie #yummy #camerafirst #吃貨 #相機食先 #運動就是為了吃更多FB:https://www.facebook.com/AntoniaC.diary/IG:https://www.instagram.com/antoniac_diary/
