感謝你們的信任，很多燉檸檬客人都會漸漸傾到變成朋友仔，天南地北咩都傾 由買衫護膚化妝到健康養生都會講到停不了。 原來很多朋友仔都以為我天生好健康,nonono 呀，貓貓自小有嚴重哮喘，試過bb時因哮喘發，但因大脾仔已打到無曬位再注射，唯有打腳眼。 青春期試過飲食紊亂症，最瘦得返69磅。出黎社會工作後，因壓力大偏頭痛失眠nut 頭髮成日感冒類固醇式浮腫勁經痛都變曬我啲friendssss（仲試過三次胃出血），有咩唔舒服唔洗睇醫生既，自己入藥房攞藥食啦（尤其是頭痛真係好難頂）。有時病到個樣真心覺得Rick Chin化妝都搞唔掂。 由bb病到32歲，機會黎喇，我遇到我生命中最重要的男人，幫我的飲食及生活習慣大執位，半年左右已可以完全不靠西藥去生活（由以前日日要食西藥，呢兩三年除了間中食胃藥，藥箱已變左首飾箱喇）。由每天行屍走肉去生活，變成訓得食得玩得笑得豬仔。 客人們聽到我的小故事後通常都會O咀，再問我做過啲咩黎呀？竟然短短兩三年內，由病貓變成健康快樂豬仔。 既然係禁，我就忽發奇想，在專頁定期分享各種的健康資訊；減肥增肥養生種髮，到心靈健康，實行有靚齊齊貪，香港是我家 亦歡迎大家inbox 我們，一起探索健康的奧祕。
