嚟沖繩玩，如果好似我哋係非自駕，好推薦大家入住「那霸東急REI酒店」，佢嘅地理位置100分，係單軌旭橋站嘅空橋就可以直達酒店門口，落雨都唔怕會濕身，行5分鐘就到巴士總站，勁方便。 酒店樓下就有7-11和Lawson，行3分鐘到Donki，仲有24小時超市，半夜買宵夜好多選擇！酒店空橋直到「那霸OPA購物中心」，一個小型商場，買完戰利品可以放上酒店先，再去血拼！ 我哋今次入住嘅係豪華雙床房（帶陽台）和標準雙床房，豪華雙床房有2張1.2m雙人床和一張單人床，一家四口都瞓得鬆動舒服。露台景觀開陽，可以望到漫湖，朝早兩兄弟好鍾意坐喺露台食早餐睇風景。點擊圖片放大 +2 房內空間寬敞，走廊位置夠寬，可以放BB車和2個大行李喼，兩個大行李箱同時打開整理都無問題。浴室好寬敞，設有浴缸，有齊洗髮乳、潤髮乳和沐浴乳。洗手枱係浴室外，可以一個沖涼先，另一個刷牙 上房前可以係酒店大廳拎日用品，洗卸油、化妝水、乳液、梳子、剃鬚刀、棉花棒、咖啡和茶包等，可以自由取用，唔好浪費就得。 大堂嘅咖啡廳每日3點至6點係泡盛Happy Hour，免費任飲。除咗有免費咖啡飲品，仲有小餅乾，每個樓層都有提供飲水機。點擊圖片放大 +2 呢間酒店真係好適合非自駕家庭，價錢唔貴，交通無敵方便，大家去沖繩旅行不妨都參考下。更多沖繩旅遊分享：*沖繩縣綜合運動公園 https://www.instagram.com/reel/DCLkiXXMPQj/?igsh=MXRtMWxyYjAyYXY0dQ==*沖繩兒童王國 https://www.instagram.com/reel/DCg1qfnMbGF/?igsh=OGpwOGdodzBxcWM4*美國村 https://www.instagram.com/reel/DCmR1vVRAl1/?igsh=MXA2NDhua2RqZGkzaw==*DMM Kariyushi 水族館 https://www.instagram.com/reel/DCY1SBMTLsu/?igsh=MTFkYTcxeGg2dTVydQ==—————————————歡迎連絡安妮媽媽：Facebook專頁： 安妮媽媽親子日記IG: @Annie_mama_diary | 安妮媽媽親子日記E-mail : AnnieMamaDiary@gmail.com
