【 一次過帶你暢遊三大著名景點 】我哋行程其中一日join咗Kkday 的一天團，會去太宰府天滿宮，湯布院，別府海地獄＆灶地獄，仲會送温泉蛋一隻，一次過睇晒3個景點，行程豐富。 呢個團由博多出發，集合地點係JR博多車站附近的便利商店門口，我哋係酒店行過去就得，好方便，等齊人就上車出發。第一個行程會先到「太宰府天滿宮」，佢係日本最重要的神社之一，神社及周邊環境幾靚，我哋買咗導遊推介嘅梅枝餅，係商店街買下嘢食下嘢。點擊圖片放大 第二站會到「湯布院（由布院）」，係我呢個旅程最期待嘅景點之一。商店街「湯之坪街道」有好多好靚的甜品店和咖啡廳，可以打卡又可以品嘗唔同的美食。點擊圖片放大 湯布院童話村真係好靚，影相打卡位好多，小朋友可以餵羊仔和鴨仔，仲有一間貓頭鷹館，可以摸摸貓頭鷹和餵松鼠，好得意又特別。點擊圖片放大 +12 湯布院仲有一個最著名的「金鱗湖」，佢嘅特別之處係湖底西邊會湧出溫泉，東邊則是湧出清水，聽導遊講溫泉和清水的溫差只要令氣溫開始降低，水面就會起霧呈現一片霧茫茫的美麗秘境，有機會我都想親眼看看呢！最後會去「別府地獄一海地獄」，係日本第一出水量嘅溫泉區，8所地獄中的「海地獄」係規模最大的別府地獄，周邊環境好舒服，可以浸下腳，隨團送嘅温泉蛋都好好味。點擊圖片放大 +6 講流利普通話嘅導遊幽默有趣，介紹每個景點都好詳盡，又會話俾我哋知邊啲係必食推介，管理時間方面都做得好好，每個景點逗留時間充足，唔會覺得好趕。我哋參觀完一個觀點後，一上車就可以舒服地休息，唔使擔心搵路趕火車，帶住小朋友和老人家join團會更輕鬆，婆婆都大讚景點靚，行程又唔會辛苦呢！KKday日本九州福岡大分一日遊https://www.kkday.com/zh-hk/product/125898?cid=11438—————————————歡迎連絡安妮媽媽：Facebook專頁： 安妮媽媽親子日記IG: @Annie_mama_diary | 安妮媽媽親子日記E-mail : AnnieMamaDiary@gmail.com
