【 安妮媽媽親子教室。黏土雪人 】 凍冰冰的天氣就諗起雪人喇！上次畫左雪人一家，今日我就教Aidan整黏土雪人，佢話要整哥哥和弟弟，送一個俾弟弟一齊玩，so sweet！ 創作的過程，Aidan都好有主見，會建議點樣去整雪人的服裝，又話要加個保暖耳罩俾弟弟，好攪笑！我哋家的聖誕佈置又多左兩個小雪人喇，好開心！ ========================== 創作過程: - 用白色輕黏土包住兩個圓形發泡膠球- 將兩個發泡膠球合拼組合點擊圖片放大 - 用活動眼睛和輕黏土創作雪人的眼，鼻子和嘴巴 - 預先用卡紙整定一個尖頂帽外形- 用輕黏土包住卡紙創作小帽子- 用毛絨布創作雪人的頸巾 - 用毛絨條整雪人的手- 用小毛絨球做裝飾，白膠漿要多小小先可以貼得穩- 如果雪人站不穩，可以加兩粒雪球做腳仔 **安妮媽媽溫馨提示: - 雪人的身體和頭中間位置加插兩枝牙簽，會令成個結構更穩固。- 要等輕黏土乾透先好玩呀，如果唔係雪人會變形架。========================== 希望大家喜歡今次的親子創作分享啦。 材料: 輕黏土，白膠漿，卡紙，毛絨布 毛絨條，小毛球，活動眼睛，牙簽—————————————歡迎連絡安妮媽媽：Facebook專頁： 安妮媽媽親子日記IG: @Annie_mama_diary | 安妮媽媽親子日記E-mail : AnnieMamaDiary@gmail.com
