♥️又一間相機食先的打卡餐廳！全粉紅色萌爆環境的 Café Library主打新派亞洲及西班牙風fusion的輕食和甜品～ 門口已經有張浮雲梳化打卡位，室內餐椅也全是粉紅色格調，我仲著定件粉紅戰衣去影相😂，好彩早一日致電預約卡位，坐係入面好似包廂打卡咁，周圍人多都影唔到入鏡～ 卡位對面的沙發位上掛滿名藝術家繪畫的抽象派女生畫像，為餐廳增添一些色彩～ 餐應提供各款創意輕食、甜品、主菜和飲品，不過我只係為左成舊雲咁大嘅棉花糖甜品而沖過離嘅，無期望下試了兩個主菜，發現味道又好唔錯喎～ 甜品：⭐️招牌鮮雜果麻糬窩夫配雪糕及棉花糖埋相超級無敵可愛，上層係一個超大浮雲☁️棉花糖，當然係打卡用，結果係食唔完嘅，而下層玻璃盆內水果、雪糕、窩夫及焦糖布甸，每一樣都比想像中好味，大滿足！真係好睇又好食，尤其是個布甸～ 食完覺得自己好邪惡😆 主菜：⭐️木魚花海鮮薄餅採用脆薄的餅底，有木魚、蝦、魷魚、扇貝，加上清新蕃茄芝士，所以配料味道濃郁～ ⭐️慢煮西班牙橡果黑毛豬豬柳珍珠麵第一次食珍珠麵，原來整成係一粒粒圓形好彈牙嘅麵，好得意，豬柳軟身易入口，加埋其他蔬菜配料，感覺似健康沙律bowl~ 兩款飲品都唔錯：⭐️茉莉奶蓋茶 ⭐️招牌水果茶 Menu 📍 Cafe Library by Espuma沙田新城市廣場1期7樓703A號舖想知更多吃喝玩樂資訊，除左可以睇我UBlog，可以follow我IG【aor.annie】👈🏻按此～
