我嘅Best Friend終於要結婚啦,我等呢日等左好耐啦,恭喜你啊Mandy!!! 我真係好開心,我呢世人最好嘅朋友打俾我同我講,佢要結婚啦,本來以為佢係講笑,原來係真㗎!!!佢打黎叫我陪佢去結婚Open Day,雖然呢排忙到就黎死,不過Best Friend叫到,重要係咁重要嘅事,點可以唔去呢! 間公司中文名係咩我就唔記得啦,反而英文名就記得好清楚,一開始Mandy同我講咩Season,我以為係Four Season四季酒店啦,所以就上網睇下係邊,好彩Mandy WhatsApp個地址比我,先發現原來此Seasons非彼Seasons,係My Seasons先岩(心諗唔係咁fake呀),差啲去錯地方,Mandy笑咗我成日!! 不過話時話,叫得做Season嘅真係有返咁上下quality,個場都幾靚,同佢Facebook post出黎嘅相一樣(我有做功課㗎)。另外佢有樣嘢都幾特別,叫My Wedding Solution,聽落好似幾好咁,話係咩一站式嘅婚禮服務,當時我就諗,fit曬操心大意嘅Mandy啦,佢好似估到我諗咩,竟然翻我白眼。 行行下,係場入面見到有Photo Booth同movenpick車,我對眼即刻發左光,因為movenpick嘅雪糕係我嘅最愛,我真係好鍾意食movenpick㗎!佢哋仲話婚禮當日可以加呢啲野,見到架雪榚車嘅decoration都幾好睇,我即刻心郁郁咁叫Mandy到時一定要整番架movenpick車係入面比我任食!!! 以下d相係個日Open Day 影嘅, 大家可以參考一下 點擊圖片放大