今日想同大家分享一個香港嘅疫苗中心 - Hong Kong Professional Vaccine。點解我會接觸到依間疫苗中心呢？因為我唔使返工所以陀BB嘅時候已經開始留意緊一啲兒童嘅疫苗中心，真係無意中發現呢一間私營嘅醫療中心位於旺角朗豪坊，地點非常之近我屋企，所以我就不停搜尋HKPV嘅資料啦。 本身我對於一間新嘅醫療中心係冇乜信心嘅，但係由於HKPV係一間香港上市嘅公司，而且佢嘅HPV針係由美國FDA、 歐盟EMA及香港衛生署認證嘅，睇到呢度，其實我都已經好放心比BB去打。好老實講，由香港衛生署認證嘅仲有啲乜嘢可以怕？所以佢都冇再諗咁多，即刻上網預約登記。佢真係好快手就已經可以同我confirm個時間啦。我為BB揀嘅係打六合一疫苗，打左呢隻疫苗可以預防白喉、破傷風、百日咳、小兒麻痺、乙型流感嗜血桿菌及乙型肝炎。 上到去中心，由心哇左一聲出黎，佔地過萬呎真係無花無假，環境舒服乾淨唔再講，而且望到維港景觀，真係一啲都唔似傳統嘅醫療中心。醫生好好嘅同我解釋咗疫苗的好處同BB打針既時間表，一共打四針，分別如下： 第一針：2個月 第二針：4個月 第三針：6個月 第四針(加強劑)：18個月 而且醫生真係有問必答，完全可以解除心目中嘅疑慮，唔會好似一啲專搵錢既私家診所，直情想你拿拿聲搞掂即刻走，唔好問咁多野咁。BB都好乖，加上醫生手勢好同好有耐性，除咗打個一刻BB有喊之外，跟住BB都好快收聲。雖然目前為止我BB只係打咗一針，兩個月之後先至再打第二針，但係安苗中心真係俾咗一個好好嘅印象我。 因為依度嘅景觀真係好舒服咁，打完之後，我就再周圍睇吓啦，睇吓佢啲宣傳單張，原來佢好重視兒童，為兒童嚴選好嘅疫苗。呢度啲姑娘都好好㗎，佢哋明知我地已經打完針，喺度混吉，佢哋都好耐心咁介紹佢哋嘅產品比我知。姑娘都話雖然係打份工，但係都要清楚知道依度嘅產品來源，全部嘅產品都係經過香港衛生署認證先可以出街，一定係安全至上！ 見到佢哋咁有責任心我返到屋企已經嗱嗱臨向朋友們推介呢間醫療中心，我覺得佢哋第時生出來嘅BB黎依間醫療中心打針都一定係好安全，同埋環境咁好，唔使係醫院同咁多人迫，對BB來講都係一件好事呀！佢哋都好贊同我嘅講法，所以佢哋都上網睇緊依間中心嘅資料！有興趣嘅朋友都可以到下面嘅網址睇吓！唔使喺政府醫院同人哋迫，又冇私家醫院咁貴，終於有一間私營嘅醫療中心俾我哋揀啦！ Reference: https://www.hongkongpv.com/product-and-service
