雖然屋企人每年都會做body check，平時奶奶身體都算健康，頭暈身慶都無乜，但最近佢成日都話頭好痛，完全唔知咩事，加上佢家族有中風先例，好擔心佢老人家有腦腫瘤果啲，問咗醫生意見，醫生話奶奶年紀都大，都建議佢做一個MRI檢查一下先。無奈排政府照都要好耐，所以醫生都好好咁寫左封轉介信比我出去搵私家做。但我地無保險可以claim，去私家照下下都係錢，下下都要萬幾蚊。認真有啲貴。 上網見到好多人講HKAI，其實我一啲都唔認識呢方面既野，只係見到有人講呢度有得照MRI同埋有政府醫院轉介信有7折。即刻打電話去問啦，好快就卜左時間去照。由打電話到出報告都係1星期內既事，真係好快手！ 講真，檢查過程亦都好快捷方便同埋好安全，首先跟醫生指引換上佢地提供既衫，帶上耳塞，訓係桌子上，跟據醫生指引，部機會進行掃描，真係好似睇戲咁樣架，穿過個圓筒形既機。過程亦無需擔心，醫生會比個鐘仔你keep住，如果檢查過程有唔舒服，就可以按下去。檢查時間大約20分鐘左右，只要訓係度唔好郁就得，因為如果你郁黎郁去會影響拍照，令到啲圖模糊，咁樣會唔清晰架！ 醫生都有解釋佢地用緊呢部機叫做SIEMENS MAGNETOMETER AREA 1.5T，淨係睇個樣我都知呢部機係比較新，原來佢仲係全港首間私營醫療中心引入既機。雖然掃瞄速度快，但佢既影像質素好高，而且無乜噪音，比起市面上既舊機真係更勝一籌！雖然我唔係好識，唔知醫生係咪賣花讚花香啦，但奶奶都話成個檢查過程又真係無乜恐懼感，同埋快手搞掂既！ 好好彩，報告話奶奶冇腦腫瘤，大家都鬆左一口氣！講番呢間野既價錢真係比私家平好多，首先原價都唔過萬，我仲有政府醫院轉介信7折，都慳番幾千蚊架。有興趣做檢查既可以click入下面條link研究一下。 Reference : https://hkai-medical.com/zh/Project_Referrals/ https://hkai-medical.com/assets/pdf/HKAI%20Booklet%20&%20Price%20list_ver20190305.pdf
