分享試爆水神器 Bellasonic 初體驗 其實出自母胎以來都是係乾性肌，一年四季塊面都係乾爭爭，加上呢兩年我做咗全面脫毛，塊面都比以前更乾，所以用咗好多方法去做保濕，今次想同大家分享一下我嘅經驗。 其實平時我都好勤力做護膚，每晚堅持搽好多野上面先會返，同埋有做下保濕Facial，當然一星期都有幾日敷下mask啦，不過其實日日坐office，成日都覺得塊面好乾好似做咩都冇乜效咁。 最近市面上有幾間公司都推出左一部新機，叫Bellasonic，話可以深度保濕，令皮膚變到滑不溜手（下刪好多項function)，我就膽粗粗去試下，因為試做價都係$988，就算效果一般，價錢都可以接受，唔會太洩。 我今次揀左Dr. Reborn 試做，見好多blogger 都係度做過bellasonic泡泡Lift Up水潤療程，效果幾唔錯。 我經網上登記後，好快便有顧問打來同我約時間做療程，今次是去旺角朗豪坊 53/F的分店做，呢間應該係旗艦店，一入門口已經見到勁靚，環境寬敞，仲有海景添，顧問好快手同我登記左啲個人資料，問咗我幾句有冇啲咩皮膚問題想解決，佢可以比啲建議，我話主要係想做下保濕，佢都無黑面死chur, 跟手就帶我入房做療程啦，完全唔似網上人地講話黑店，hard sell 果d... Bellasonic 呢部機來自韓國，用雙頻超聲波技術，設有兩種療程模式，功效亦不同。 為左用個科學D既方法睇下呢部機掂唔掂，我突登係做療程之前做左個水油平衡test， 水：24.8% 油：36.5% （拿！都話我好鬼死乾架啦） 美容師幫我落妝，洗左面就搽左D gel 係我塊面，用一個大D既機頭，係我塊面度碌，好舒服，開始果陣凍凍地，碌左陣就暖暖地，碌到我都就快訓著...... 介紹下呢個大機頭先~ BELLA SONO呢個頭係以高頻率超聲波 (採用兩種頻率3.3MHz / 10 MHz) 以每秒高達一千萬次震動表皮及下細胞，於細胞內產生極微細泡泡，有效促進新陳代謝，保護細胞免受外來污染及破壞，以達至深層滲透，有助延緩衰老、提高細胞內水分、減少皮膚泛紅及炎症，深層及高強度滲透，有助減淡皺紋，提昇肌膚。 做晒全面後，美容師就幫我換另一個機頭，係細D既，BELLA PACT以低頻率超聲波(40kHz)係皮膚外層產生微細通道，在無創傷的情況下促進更大分子溶液(如透明質酸)的滲透，超聲波可以開放微細通道和產生推動效果，因此穿透力非常深，有助改善皮膚質地，溶液的滲透能力的分佈平均，幫助嫩膚，仲可以收細毛孔。 做果陣會有少少嘈既，特別係近耳仔位，似以前開電視果D雪花聲，但D聲係耳仔裡面發出。 成個treatment 大概45分鐘左右，其實一做完，美容師摸我塊面果陣我已經feel 到塊面滑左好多，因為佢幫我搽野果陣真係扇住去，唔同做之前既感覺。 做完之後，我逼不及待即刻再做多次test，睇下 水：89.3% 油：45.6% 再自己摸摸面真係滑到好像剝殻雞蛋咁呀！！！ 水潤到好似督一下會吱D水出黎咁正！毛孔都細左好多，即刻覺得自己D皮膚靚到好似D韓星咁 haha~ 呢款treatment 同平時既保濕facial 分別係做完真係有明顯滑左，同埋我個人認為比平時更長效，因為跟住既日子，我都有特別留意皮膚狀態，做完兩三星期都係keep 住咁彈滑，唔同平時做普通facail 三至七日就回復之前狀態。 我特登為呢個treatment 作左以下評分，比大家參考下： Bellasonic 泡泡Lift Up水潤療程主要功效 5★為滿分 深度補濕★★★★★ 微注養份★★★★ 收細毛孔★★★★ 緊緻肌膚★★★★ 減淡細紋★★★ 改善暗瘡★★★ 以上資料參考自： https://drreborn.com/home/zh/promo/bellasonic 以上只代表個人用後感，不喜勿插，如有興趣都可以係度登記試做，我都係度登記架咋～
