澳門一日遊 澳門酒店咁貴,住一晚酒店都買到機票去日本啦。大家有無考慮去澳門一日遊?早去晚返,足夠時間讓大家去食餐夠本!而家有好多旅行社推出澳門一日遊套票,包來回船票和一個自助午餐,的確係一個唔錯既選擇! 其實我地想去澳門食翅,所以就買左一日來回船票。大約12點去到澳門,到步後先去官也街食個葡國餐先—小飛象葡國餐。再去賭場玩番幾手XD之後就出發去掃街啦。其實澳門真係有好多美食,想去掃街既朋友可以選擇掃官也街或者澳門市中心既⋯周圍都有好多野食。全程都係靠酒店shuttle bus接駁,去澳門真係唔需要搭車錢。 今次我地去左澳門市中心-祥記麵家,試試佢個蝦子撈麵,的確唔錯! 蝦子撈麵 魚皮 大家可以一直行落去,中間有好多葡撻,豬扒包,牛雜等等野食。當然好多時都要排排隊。我地去左譚家魚翅買料番香港煲湯。佢都幾足料。同埋佢係煮好左既魚翅,番去加隻雞就好濃味架啦! 有一間係街邊檔既牛雜一定要勁推-明記牛雜,係行仔開檔,真係正正正!夠曬味又足料。每一次都要去食!撞唔撞到佢開檔就要睇運氣了~ 晚餐今次我地試左煥記海鮮飯店,必定要食翅!真係好好味~~仲叫左田雞煲,魚肚卜煲,牙菜豬大腸。每碟都夠鑊氣,真心唔錯!由於我地早食,所以無乜人,試菜都上得好快。 魚翅煲雞湯~~正正 田雞煲 牙菜豬大腸 澳門美食一日遊差唔多到晚聲啦,食完之後就要搭船返香港啦.....