租WiFi蛋的5大好處 旅遊外出點少得穩定嘅網絡呀？除咗要幫屋企人/朋友做 “代購”之外，最重要就梗係要影相打卡，share 比朋友, upload 上fb, ig 等等啦。而且去到外國人生路不熟，長期都要上google map 搵路，或者用d 鐵路apps 咁，所以好多人會揀買SIM卡或者租WiFi蛋，但到底邊樣好? ① 多人同行 開心SHARE 租WiFi蛋嘅好處多多，最正嘅係可以2至5人同時使用。相反，SIM卡只可以一個人用，如果開"個人熱點"分享網絡比旅伴用，又會令自己部電話嘅電量極速耗盡。另外，用WiFi蛋可以多人開心share，費用都自然一齊share，計落更加抵呀！以去日韓台為例，4個人用一部WiFi，每人都只需$28 / 4 = $7/日咋！ ② 無限數據 無須增值 用爽WiFi有無限數據，比你盡情咁上網，唔洗擔心有流量限制而就住就住咁用。而且WiFi係租幾多日就用足幾多日，無須增值，亦唔洗因為尷尬嘅日數問題而買兩張SIM卡。 ③ 無須換卡 如果你係用iphone無雙卡去旅行就一定要換卡，個人經驗係換完5日後唔知放左張香港卡係邊，結果浪費$100去拎過張新。而且我地落機嗰一秒已經即刻上網，即時update到外界嘅資訊。換卡又要記得帶支iphone 針，真係好煩的。用WiFi蛋就唔洗擔心呢個問題喇！無須換卡，輕鬆連接WiFi就可以用，又唔洗驚整唔見張電話卡，冇晒啲重要嘅contacts！ ④ 可保留電話號碼 另一個用WiFi嘅優勝之處就係可以保留自己嘅電話號碼。咁就唔會錯過重要、緊急嘅來電啦！ ⑤ 無須繁複設定 輕鬆上網 外出旅遊梗係要爭取時間玩啦！去機場買SIM卡要排隊? 而且亦都有機會唔識設定APN而用唔到網絡? 我上次同朋友就係咁，sim 卡買時就話係即插即用，當然最後用左一日時間先研究到點set，想上個網都咁多憂慮，不如簡簡單單租隻WiFi蛋啦！用10秒開著部WiFi蛋，再用電話search個SSID，入埋密碼，由開機到上網只係1分鐘嘅事！ 宜家好多wifi租借公司在機場已經有counter，咁就不需要再周圍借啦! 上機前去counter借, 落機即還就係咁簡單。
