每次到泰國，我例必掃一大堆護膚產品回港慢慢用。 個人最推薦泰國本地品牌Oriental Princess和藥妝店Boots，絕對平靚正。 今次去曼谷，回程時的行李放滿了護膚品，收獲豐富。 首先show一下我買的Oriental Princess產品： 沖涼、洗頭、洗面、精華、lotion、cream、防曬、磨沙、按摩油、香水等等， 一應俱全，用到下年應該都無問題，呵呵呵 買咁多，都只係1400HKD左右，真係機票錢都慳唔少，嘿嘿。 呢間店最出名係香蕉味洗頭水，可惜今次全線缺貨。 今年仲推出左幾款新的海洋系列，見到喜歡紫色系列的顏色， 因為連入面的lotion、爽身粉都係紫色， 而藍色系列味道超正，忍唔住兩set全部買晒，哈哈。 介紹一下先呢個品牌先， Oriental Princess的產品都是純天然製品，由東方獨特的花卉植物，及草本煉製而成， 係泰國本地品牌，路線同Body Shop好似，但就平好多。 係曼谷的大商場，都會有專門店。去泰國一定唔可以錯過。 如果有興趣，可以去官網睇下：http://www.orientalprincess.com 而且記得入會，會費只要300BHT，會有野送，仲有Discount，計落更抵。 另外，係Boots都放左唔少血，Boots就好似Sasa一樣，貨物種類好多。 不過我最喜歡買茉莉花系列的產品，成set買晒，好開心。 其實我對雞蛋花系列都有興趣，不過似乎真係買得太多，所以收手了（汗） 香茅味洗頭水都唔錯，可惜護髮素斷左市。 小貼士：Boots可以免費入會，記得係counter時同收銀員講，會有discount喔。 歡迎瀏覽我的主網誌：安娜愛閒遊
