曼谷買Melissa膠鞋，自己也覺得有點奇怪，至少在主要的泰國自遊行討論區，似乎還未曾見到有人談論過。 不過，購物理應無攻略，看到了，真的喜歡，就自然順理成章購入。（笑） 其 實那天只是去曼谷藝術館後，經過Siam Discovery時，看到有M Dreams專門店，出於好奇，想比較一下香港曼谷兩地的標價，所以只是抱著「看看」的心態進店，早前為迎接雨天，於是想添購一對膠鞋，雖然前年趁vw大 減價時已經買過一對膠鞋，不過果對係高跟的，平日都唔算太想著，更何況落雨天，所以我的新目標係一對平底膠鞋。到過海港城的M Dreams，標價不算低，尤其是與VW的crossover系列，大部份都要800以上，所以未有入手。 講返曼谷的M Dreams，款式唔算太多，不過當日有Promotion，所有鞋款都有20% Disscount，而且剛好見到有對款式唔錯，著上腳又靚，而且又無想像中咁難行的鞋，計一計匯率，發現價錢都幾吸引，即使早已買到爆o急，都忍唔住入手。 就係以下呢一對喇，係唔係好好睇呢？ 不過唔知香港賣緊幾錢呢？希望無買貴啦。 (根據網友報料：香港訂價990HKD，但近日ON SALE，698HKD) 最後，開估喇，睇返信用卡月結，呢對鞋係HKD535。 歡迎瀏覽我的主網誌：安娜愛閒遊
