我的Benefit美美妝品家庭又有新成員。 早前參加U Beauty的試用活動，可以測試Benefit最新出品的粉底液，身為Benefit粉絲的我，當然唔會錯過。 大家如果有睇開「安娜愛閒遊」，相信會記得我聖誕節時在美國Benefit官網訂購了一大盒化妝品， 其實係網上訂，一定比在專門店買平好多，不過，今次，我發現其實也值得到專門店買。 點解咁講呢？因為今次活動係由Blogger直接去專門店拎產品。入到九龍灣專門店，一個白白淨的可愛男sales立即迎面而上，好親切地接待我，當知道我唔係幫襯，只係拎產品時，笑容依然保持和藹可親，而且仲好專業咁同我介紹今次的新產品，仲係有九隻色的粉底液中按我的皮膚情況挑選了最適合我的粉底液俾我。 WOW，令我對專門店印象加晒分！估唔到男仔會對化妝品咁有認識，如果我係官網買，相信好難選到適合的粉底液。 好喇，介紹返呢隻粉底液先。 佢個全名叫「完美無瑕氧氣提升粉底液」（Hello Flawless Oxygen Wow）。 標榜 輕透、自然，而且係SPF25 PA +++，有埋防曬功能，完全符合我的要求。 「兩下」的份量，就可塗勻全面，而且水份夠，易推開， 用後覺得保濕成份好好，而且透薄自然，好值得推薦！夏天就靠佢喇（笑） 產品介紹 完美無瑕氧氣提升粉底液（Hello Flawless Oxygen Wow） 提供輕微至中度遮暇能力，讓你遮暇同時擁有透明自然肌膚，配方中含獨有成份氧氣提升保濕因子，讓你化妝同時保濕，告別暗啞及提升肌膚光澤度。 售價：30ml HKD 340/30ml (各Benefit專店有售)
