好多香港人都話想移民，仲意外國地方夠大，樓價都冇香港甘癲，生活壓力都冇甘大。不過，好多人其實只係單純自己想像，其實現實同理想往往係兩回事！雖然我移居美國日子唔係好長，但我深深感受到一個新移民，黎到一個陌生地方，一切重新開始，心理上遇到既各種衝擊同埋不知所措，深深體驗到咩叫人離鄉賤！ 我移居美國係因為同我定居美國既先生結婚。以前我仲未衝出過亞洲既時候，好響往同埋羨慕歐美式生活，幻想自己可以移民外國。當我第一次踏出亞洲，黎美國旅行，發現所有電視同電影營造出黎既情節，係將所有野美化左！現實同理想真係爭好遠！冇錯，係好遠! 仲要好X遠！！ 唔知由幾時開始，我開始仲意自己住既香港，之後從來冇諗過移民，所以由開始知道自己會移居美國果時開始，內心出現左好多擔憂同恐懼。朋友同家人都係香港，所有野重新洗牌，真係有d接受唔到。好驚黎到會冇朋友，自己屋企人又甘遠，有咩都冇照應。黎到人地既地方，英文又唔多掂，鬼食泥既港式英文，連搵工都覺得好頭痕。 要黎既始終都會黎，移居美國之後，擔心既全部已經實現左。開始既時候，一直逃避，頭幾個月都係屋企，俾借口自己做左幾年野，休息一下。但長期甘樣唔係辦法，hea左兩個幾月之後，終於去搵份part time做下。去左間唐人開既酒樓做樓面，以前係香港返office，移居美國之前份工仲要hea到日日幾乎返工等收工，突然間要轉做搬搬抬抬，返工全程企係度，走黎走去既工，加上做左廢青幾個月，所以返左頭一日工，已經攰到媽媽都唔認得。過左兩個幾月甘既日子，終於的起心肝去進修，讀返自己係香港做既野，為左搵返份冇甘辛苦既工。點知，讀書又係另一種痛苦，我讀既野係為左要考個證書，所以課程設計係好緊湊，每個星期都要自己做好曬reading，睇熟concept，因為每次上堂前，老師會做左個quiz先，確保你地返去有做野。所以我自從讀書之後，每個星期除左上堂，其他時間都係屋企睇書，好似以前係香港準備公開考試甘樣。真係以前係香港讀大學都冇宜家淨係讀一科既壓力甘大，呢個考試對我黎講係一張入場券，所以好重要，一定用曬成副心機去讀！宜家仲係準備緊考試，希望pass啦！ 講甘多廢話，係想有緣見到我寫既野，而又有移民意向既人唔好抱住好高期望去到一個地方，然後生活落去發覺原來現實同理想係爭甘遠，到時又再計劃回流香港，以免變得兩頭唔到岸！ 待續 Facebook: 移居美國的港女 Instagram: 移居美國的港女
