文章日期：01/12/2010 04:51 pm 第二日開工!今日4:15起身 4:45出門口開車 6:00時開工天都未光晒!之後就話要男同女一group 但係唔夠分..我都係part個台灣女仔Carrie 好好傾wo~一路開工一路傾計所以速度比較慢.....6點做到9:30先有得休息15mins......超難捱! 又係44度啦......9:45再繼續開工....做11:00....佢話要計時...做得慢就要炒唔好玩啦 個個做到咁累之下先黎計時 痴咩線! 佢話我地做得慢 平均要3mins先完成到一棵樹 所以要計時睇我地1個鐘做到幾多 佢話要我地15s完成一棵 有咩可能呀阿哥 俾你地都唔得啦 更何況我地呢d新手 痴媽筋! 11點開始計時做到12點 做到11點半個陣我已經開始想放棄....真係好辛苦又熱...又標冷汗 好似中暑咁....但係唔想累到人地所以唯有繼續 到11:45我同Carrie講話慢慢黎啦 我唔介意俾人炒 真係無關係 之後我地都放慢速度 只要同其他人唔好差太遠就ok啦! 12點一夠鐘我地就自己stop左....真係累到癲左!慢慢行返去架車.....返到屋企都12點半..一入房換過條褲即係訓左係地下 訓左兩個鐘先起身沖涼 冇胃口食野... 6點幾煮飯食 食左d已經開始胃痛..食唔到...!唔知點解過左黎咁耐日日唔係肚痛就係胃痛 真係好煩!!之後同妍開始商量仲做唔做落去 因為經過今日妍對腳好痺 冇左知覺所以佢唔想再做落去咁我就打俾工頭講話我地唔再做..佢話冇問題..所以明天我地都唔開工嚕!其實我又幾想可以做落去...但係又好辛苦 再加上自己皮膚又唔好......終於明白乜野係辛苦錢!!!
