文章日期：01/10/2010 04:28 pm 一早8點幾俾人叫醒去開工....真係嚇死都唔知咩事明明講左聽日先開工....!!個個拿拿聲起身擦牙洗面 9點幾去到個農埸 熱到癲......我地要割籚筍...明明我地都唔係做呢樣野!!去到要即刻開工 個太陽超猛...但係又要包到自己實一實...熱到嘔... 完成一行都要一個鐘 做完一行我地全部已經想罷工..我地休息左半個鐘有多 個工頭叫我地每人再做多兩行...發癲啦我地每人做多一行就話唔做啦 根本冇可能可以繼續做 44度呀大佬 幾個鐘都係曬住個太陽 就黎中暑...基本上做緊第一行個陣我做到一半已經想放棄 又頭暈又標冷汗 又缺水 又死要人做 最後我地個個都話太熱 冇可能繼續做佢冇我地辦法先放我地走 講真本身架車唔係車我地架 係要返工個d人唔肯起身就即刻call我地起身開工 仲要係最熱嘅時候叫我地去 有冇人性ga又唔係by hour 係by contract...冇可能搵到錢有邊個肯開工姐.......真係貼錢買難受! 做到1點半走人 再去supermarket買野得半個鐘超趕......乜都買! YOKO, BRENDA, WILLIAM都黎左搵我地 不過唔夠時間傾計!返到黎我即刻扑去沖涼 污糟到嘔! 終於明白中暑係咩感覺! 就係因為呢單野攪到我全日心情都唔好 又冇胃口食野 野都唔係幾想講....拎住個電話都唔想出聲..... 7點煮飯 收到電話話明天5:10A.M.起行 咁即係我要4黠起床!食完飯已經9點....10點達上床訓 完全訓唔著...好辛苦訓著之後電話響.... 之後完全訓唔到.......
