文章日期：01/04/2010 08:13 am 最後一日留左sharehouse, 最後一日留左悉尼!真係有D唔捨得 12點幾食飽早餐就傾電話 傾左陣同妍出去買野終於買左個睡袋US$30算平 仲買埋手套個D用左好多錢 之後去SUPERMARKET入貨 4點幾返屋企 超多野呀原來.....執極都有 房東仲煮堆飯我地食又係餃子 真係好好味 房東仔都返左黎同我地傾左陣計 7點佢地好好人車左我地出CAMPSIE火車站好彩咋...唔係嘅話都唔知點行個條路....我地一人一個大喼, 一個大背包, 一大袋野食 咩完個背包都企唔穩! 去到CENTRAL STATION 7:40 P.M. 同妍去CHECK IN先 個喼真係唔可以重20KG....大獲啦..我爆硬 結果我係25.4KG...幾經辛苦先執到岩岩好20KG寄倉但係身上又多左一個背包..走難咁...好彩有BRYAN係度陪我地等車幫我地手拎野 總算冇白俾D蛋佢 8:15 P.M. YOKO, BRENDA, WILLIAM都到左, YUKI生都係度 超man呀 唔知幾時先再有機會見!仲識左個男仔叫TIM, 佢好勁去完NEWZEALAND就黎左澳洲, 過左黎澳洲4個月, 做左兩個月野, 玩左兩個月仲差TASMANIA就玩晒個澳洲但係用左UA$5000 勁勁勁!佢打算黎澳洲9個月走 之後沿東南亞返香港唔知佢咁樣5年後返到香港未! YOKO佢地到左之後打算寄倉點知已經FULL晒唯有霸頭位上火車再霸位擺喼!我地全部唔同CAR我同妍坐果個位超闊 放完一大咋野之後仲有位"朗"腳!明明8:40 P.M.開車 但係架死人車成9:00P.M.先到9:10P.M.開車啦 打電話講唔夠幾句就CUT線 完全收唔到 打算SEND MSG 一個用左15MINS先SEND到仲有一個SEND左30MINS都 SEND唔到 最後放棄左啦! 呢程火車由9:10 P.M. - 9:00 A.M.............
