焗嘢唔難整，西式餐廳總會食到，亦因為簡單，材料嘅質素會好影響效果！依間店雖然開係士林夜街，但唔係主街，小酒吧旁只得佢一間食店凹入去，真係唔易見到。 除咗飯同意粉，仲有千層麵同通粉，醬汁同材料變化多，中間夾雜咗炒手打烏冬，一共廿四種，食足一個禮拜都有花款。 雖然係外賣店，但一樣有扒餐，切好一件件，方便食用，仲有數款小食，如果想坐只得一張枱，一般都係坐住等外賣。 焗肉醬千層麵，千層麵唔係好多舖有賣，因爲功夫多，通常會直接入現成貨，但相對價錢貴，變化亦少，好難出貨。依度同一般焗嘢價錢差距不大，份量夠，酸度適中，肉醬味道亦濃，再加上白汁，可以調整濃度，係用芝士粉影響晒。 鮮三文魚忌廉意粉，餐牌上原本係通粉，要求轉的，囗感適中，三文魚無細切，有幾大塊，可惜忌廉味唔夠，令整體好淡味，醬汁都唔夠，較失望。 日式海鮮炒手打烏冬，料幾多，夠味！烏冬夠彈牙，以想不到地接近日式風味。 安格斯一口牛配炸薯，睇住一塊厚切牛排放係鐵板上，到最後切粒，好香肉味，油脂重，夠軟熟，加上黃芥末作用不大，配薯格同薯角，但點茄汁會覆蓋牛嘅味道，醬汁上希望能轉用適合兩者嘅味道！ 整體都幾好，材料同技巧都可以，但調味上有進步空間！ 新意小店 荃灣大河道80-84號華成樓B座地下A3號舖 多謝你睇到依到! 想繼續關注我，可以用以下方法： Facebook Instaram 全民K歌 BE Blog U Blog 歡迎聯絡合作 E-mail: mink_wong@hotmail.com
