食得海鮮火鍋多，有時都想食吓靚肥牛，唔係話豪到食最貴，但太差食到成囗筋，油味多過肉味，唔通又食麻辣咩？難得傳單有晚市85折，豪少少食特級日本和牛！ 入門口前要決定食邊款牛同湯底，決定出單就開始計時90分鐘。座位唔算迫，出入唔洗打橫行，人唔太多，攞配料唔洗等！醬汁方面鹹、辣，酸都有，但又無亂梗俾，全部充滿日本風，第一次見辣椒蘿蔔蓉。 點擊圖片放大 +2 瓜菜丸類款式都多，有啲係平時少見，麵類連鏍絲粉都有，為免浪費，每人得枱上一個兜嚟攞，飯有和牛炒飯同咖哩和牛飯，可用醬汁碗裝。 飲品種類多，啤酒都有兩款，紙包飲品五款，汽水機提供多種口味，仲有桂花茶，同三款日式茶包。 湯底有八款，依款季節限定杏汁鰹魚湯無杏味，無詳特別，但湯味都重，食靚牛依個湯底有啲浪費。 肥牛邊位顔色有啲怪，脂肪位幾多，但食落囗感唔錯，無筯。用平板電腦加肉可選下面級數，雖然部分外觀較好，但口感有明顯差距，而各款都無筋，豚肉外觀好，肉味濃，但有欠囗感。 大戰完後有雪糕，分別哈蜜瓜雪糕、香芋雪糕，同原味乳酪雪糕三種，除草莓同朱古力醬外有多種配料！但雪糕唔夠凍。 傳單除晚市85折外，午巿都有9折，上去前記得攞張。即時登記做會員可即時儲分，即送牛舌一碟，同$100優惠券下次9:30後消費滿$350使用，但依張優惠券收銀處可自取，有興趣出去俾錢就順便攞張啦！ 牛一 荃灣青山道269號力生廣場3樓B號舖 https://m.facebook.com/nabeonehk/?locale2=zh_CN 多謝你睇到依到! 想繼續關注我，可以用以下方法： Facebook Instaram 全民K歌 BE Blog U Blog 歡迎聯絡合作 E-mail: mink_wong@hotmail.com
