依間外賣店一開就以正統大有人氣，短時間再開餐廳分店，餐廳食物種類固然更多。但今次經過外賣店，發現樓上有冷氣房，就唔行梗遠上去食啦！ 先講明冷氣房係一樓，但入口唔係大街，係鋪頭買完野食只需自取飲品，轉入後巷開鐵門上一層樓梯，左邊貼住餐牌過間就係。入面冷氣夠，廳有幾張枱，房那邊有職員在準備食材。 約十五分鐘食物職員送到，先試辣死你嗎配咖哩雞肉飯，標準份量即小型飯盒，椰漿飯綠綠地色，但無咩椰味，參巴醬好辣，加少少同花生，魚乾仔一齊食幾過癮，咖哩雞好老，薯仔霖但唔入味。 馬拉甜辣滷麵，望落主要係薯仔，都係霖但唔入味，選了米線，煮得霖咗啲，醬汁微辣。 愛他愛她，用香蕉葉包住魚肉蓉，薄薄一條，食落酸酸地，有少少魚味，唔識形容… 桔仔話梅水，桔仔味好重好酸！完全飲唔到話梅味；冬瓜龍眼茶，冬瓜糖味夠，真係飲到冬瓜乾肉，仲有幾粒原粒龍眼乾。 始終依間係舊舖，好多新舖受歡迎嘢都無，可能熟手廚過咗新舖，真係有失望，希望新舖真係唔同啦！ 蘇媽.蘇媽 舊舖：深水埗桂林街143號地下F3號舖 新舖：深水埗基隆街251號地下 https://m.facebook.com/semuasemuaHK/?fref=ts 多謝你睇到依到! 想繼續關注我，可以用以下方法： Facebook Instaram 全民K歌 BE Blog U Blog 歡迎聯絡合作 E-mail: mink_wong@hotmail.com
