荃灣麵店好多，其他區嚟開分店嘅同時，有間小店係度創業，最近更開始係其他區開分店！依間舖唔係平，一碗麵要五六十蚊，加上主打係牛魔王同豬八戒，自然會覺得係一間玩主題嘅舖，而今次，我都係因為聽到佢地自家制麵先會試。 主打無套餐，佢碗牛魔王係用鮮牛肉，秘制麻辣湯底要加錢之餘又再問要咩湯底，原來係特濃豬骨湯底或田園蕃茄湯底兩者選其一加入口水辣，不夠辣，想食辣嘅可能要佢地再裝辣油嚟加，但加完錢得梗樣不如唔好加！麵身好滑，好上湯汁，有口感，真係做得唔錯。 套餐椒鹽雞球麵可選湯、撈、口水撈，冷麵，轉米粉或飯都得，湯麵同上面選法一樣，口水撈唔冼加錢食辣，見佢有賣口水雞，估係同一隻辣，本身佢加得唔多，再俾多一少碟你，加灑都只係小辣，所以加落其他湯底一定唔夠味啦！而佢地又話椒鹽雞球係熱門小食，當然要試！炸得唔錯，表皮鬆脆，肉質唔乾，帶微微椒鹽味，比部份炸雞店控制得更好。 套餐仲跟素菜、餐飲同有配料追加優惠，本來想食拍青瓜但賣灑，蘿蔔好入味，但份量太少，如果生菜或菜心用依個碗裝唔知有無一條⋯⋯ 餐飲四選一，珍珠奶茶、冬瓜茶、白桃綠茶或荔枝玉露，可加錢轉芒果豆花。餐飲比較細杯，但珍珠Q軟，奶茶香濃。藍天寒蜂無跟餐，藍色係由於藍蝶花內嘅花青素，係天然色素，另有寒天、蜂蜜分子同荔枝汁，飲落甜度適中，幾特別。 配料追加有韮菜餃、糖心蛋或肉燥，當中韮菜餃都係熱門小食，原本賣灑，又話剛返貨，好奇梗夜係邊返貨，餃皮薄，肉味濃，比附近餃子舖做得好！ 整體好多都喜出望外，難怪可以開始進軍其他區，但係開分店之餘，期望後維持水準，更日益進步！ 入麵 荃灣路德圍42號安富大厦地舖 https://m.facebook.com/entrance.tsuenwan/ 多謝你睇到依到! 想繼續關注我，可以用以下方法： Facebook Instaram 全民K歌 BE Blog U Blog 歡迎聯絡合作 E-mail: mink_wong@hotmail.com
