飲涼茶,通街連鎖店,中央廠房製造總係唔太放心,依間老字號就係太子開咗多年,門面雖少但總會見到有客。 只賣野葛菜同雪梨露兩樣,有凍暖選擇,雖然同傳統一樣有放杯,但次次杯裝佢都直接用紙杯,不過蓋同飲筒就唔係次次俾,要嘅自己攞,鍾意買樽裝都得。 為證明真材實料,每日都會係當眼位放煲完嘅渣,野葛菜真係唔係間間我都飲得落,唔知點講,好多時飲都有啲唔係苦,唔係酸,似似地草青嘅味,依間係惟一一間,鹹鹹地,濃味之餘無怪味,完全可以當一般涼茶;雪梨露梨味重,唔會酸,清甜得嚟唔會好似糖水梗,越飲越囗喝!無論你係熱氣有需要,定係無咩特別想潤吓,去開太子都一定要過去飲返杯! 愛群野葛菜 太子西洋菜南街250號地下 多謝你睇到依到! 想繼續關注我,可以用以下方法: Facebook Instaram 全民K歌 BE Blog U Blog 歡迎聯絡合作 E-mail: mink_wong@hotmail.com