久聞大名，依間位於金鐘既放題出咗名重質不重量，今日終於可以試到啦！ 雖然係晚市黃金時間七點到，附近人流唔多，入面空枱都好多，不見人影既環境同依個門面，好有高級日式料理feel，或者高質既店舖都唔鍾意人來人往既旺區。 一坐底就上清茶（真係好清），但天氣熱始終想要杯凍飲，佢地細心在筒身雪櫃旁邊排列晒各款飲品，有咩嘢飲一目瞭然，亦方便唔飲凍嘢既客人攞到室溫飲品，當中有幾款都係貴價日本飲品，蜜桃茶（凍）仲係自家製，依D都值得一試。 如傳聞般點餐紙七大款，仲要得單行。 食物真係，刺身有光澤，挺身，就連炸豆腐火候都控制得宜，表面做到脆而不油，炸衣仍然雪白。 煎三文魚表面煎到梗脆肉質都唔會太乾，但都係實咗少少，可能因為全熟，魚味無嘜，雖然鯖魚情況一樣，但三文魚唔同，半熟應該會更好。 牛真係有驚喜！依個薄燒牛肉卷牛味十足，食落可以有梗多油份，而且一D韌位都無，真係非和牛莫屬，而入面卷住既蔥花就剛好中和咗依份油味，所以就算一口牛柳粒真係用牛排切粒，以放題嚟講我都認為食薄燒牛肉卷更好。 炸蝦天婦羅可能係隱藏料理！想叫時點餐紙又無，食食下突然就上咗兩隻，問職員點叫佢話可以幫我地同廚房落單，可能我地食咗其他枱叫既？隻蝦好大隻，好在發現到。 甜品得三款，泡芙普通野，依隻芭菲未見過，韓國牌子日文字，即係日本出？依個白色係雪碧冰（我話既），另一隻似草莓味，下面自家製甜品一出立即放低咗。 依個甜品佢話係布甸，但質感更似糕，入面有提子乾同布甸粒，好特別！ 總結食物質素偏高，職員夠服務自然好，但明明話食足四個鐘，八點幾就last order有D過份，仲要飲品都收晒，睇嚟依間舖應該好少遲收工！ 四季．悦 金鐘夏愨道16號遠東金融中心閣樓商場 https://www.facebook.com/shikietsu/ 多謝你睇到依到! 想繼續關注我，可以用以下方法： Facebook https://m.facebook.com/profile.php?id=684777435&fref=qr_code Instagram https://www.instagram.com/angelwong1112/ 全民K歌 http://kg.qq.com/node/personal?uid=609f9f862d29308a32 BE Blog http://beautyexchange.com.hk/mobile/blog/blog_list.php?uid=254187 U Blog https://blog.ulifestyle.com.hk/blogger/angelwong1988/ 歡迎聯絡合作 E-mail: mink_wong@hotmail.com
