平時去台灣旅行，通常唔係去夜市，就係搵D特色餐廳，老店，最多坐高鐵時，買個鐵路便當。應該唔會專程去後街暗角，光顧那些默默無名，睇落毫無特色，只見當地人冲冲吃完離開，買了帶走的家庭小店？香港都係一樣，依D小店無論店面定食物，都唔會係外觀上多用時間，只求用最低價供應俾當區居民，只求最快俾你食飽返工返學，返居企休息。 眼見一間小店，門口放幾張枱，都係食飽休息的打工仔？台式便當，心目中是台灣高鐵站上，方形紙質，內有豬排、鹵蛋同酸菜。當然依個係台灣特色食物，當地人無可能成日食依D，而香港亦不流行用紙質便當盒，但感覺應該差唔多？ 見到每日都有D唔同，以外賣店黎講數量叫多，無點望就落單，點知佢話依個價係選二個餸，有湯有野飲，比預期多。 等期間詳細望，發現頁背仲有版，依個款式量可以同茶餐廳比，梗細既廚房竟然可以準備到梗多款式。 依個係二個餐，一個餐兩個飯盒一湯（差唔多日日唔同，飮落無味精）一飲品，一個餐一大袋，餸左到右分別係台式煎粿肉（好食）、台式三杯雞（濃味0左D）、台式鹵肉（東波肉？）同台南鹽酥骨（雞就食多）。餸份量當然無普通兩餸飯滿到個飯盒都就快關唔到梗多（其他區唔清楚，荃灣區間間都係梗），但如果食甚麼魚香茄子，糖醋排骨等中式餸食到悶，轉0下口味都係個唔錯選擇（堂食見到有得添飯）。 台式便當 荃灣西樓角路荃昌中心昌寧大廈202-216，34號地下 多謝你睇到依到! 想繼續關注我，可以用以下方法： Facebook https://m.facebook.com/profile.php?id=684777435&fref=qr_code Instagram https://www.instagram.com/angelwong1112/ 全民K歌 http://kg.qq.com/node/personal?uid=609f9f862d29308a32 BE Blog http://beautyexchange.com.hk/mobile/blog/blog_list.php?uid=254187 U Blog https://blog.ulifestyle.com.hk/blogger/angelwong1988/ 歡迎聯絡合作 E-mail: mink_wong@hotmail.com
