今次自由行總括嚟講係好enjoyable，好開心，同以同知己睇新嘢、試新嘢係人生一大樂事。有小小遺憾就係冇去去JJ Market，因為我哋就唔啱日子，JJ Market星期五、六先開。下次再去曼谷一定會補去番！另外就係唔記得要食海南雞飯，爬文嘅時候都見到好多人推薦。經過今次，realize起其實有時唔洗plan到足一足，因為有好多時喺網上面search哂啲餐廳要去，但去到其實都不外如是，而且某啲仲可能係宣傳稿。有時去旅行嘅樂趣就係隨機搵隨機食，可能會有更加新奇嘅發現。 好感激天公造美，我哋呢次港女之行都風和日麗陽光和煦，臨到最後一日先落番啲雨。如果係其中一日落大雨都咪話唔掃興。 喺我寫緊呢系列遊記嘅時候，我哋又買咗機票訂咗酒店去新加坡喇 #yay 係呀，一有錢就去，再儲錢，再去，無限loop。Loop到去勻全世界，再去多次回味啲自己鐘意嘅地方。
