睇片︰ https://youtu.be/dWZ1xz5EXuw 嘆Room service之悠閒上晝 呢日其實冇地方去，一嚟我哋經過6日走走趯趯嘅洗禮已經好攰，二嚟我哋呢日雖然話就話五點幾機，但預埋返曼谷嘅交通時間、同check-in時間，其實啱啱好hea到12點check-out。一個上晝出去又唔係唔出去又唔係，我哋呢兩個早餐愛好者最後決定淨低嘅公數食個人生最豐盛嘅早餐 – room service。 哈，呢下正喇，雖然我哋成個trip去埋哂啲地方都係偽貴婦高級享受，但最後一日呢個早餐就堅富貴，因為我哋兩個冇一餐係特別好胃口，唯獨早餐可以食咗全世界。於是我哋就一人一個Continental breakfast，望住露台外嘅海景，嘆咗兩個鐘早餐。個早餐每人港紙都要二百幾，但份量同質素絕對比得上自助餐，甚至好過佢 – 有一籃子嘅danish, croissant、一人一盤嘅熱帶水果、一人一碗高纖麥片/粟米片、各式烹調方法嘅蛋、香煎火腿同煙肉，最後當然唔少得杯靚啡靚茶。美中不足就係前一晚同朝早落雨，冇得坐喺出面露台張枱度食，如果唔係都幾perfect。 就係咁，我哋施施然食完個早餐，又慢慢去check-out，再叫咗架的士落去我哋旅遊巴車站(點都要搭的士，因為行李太重)。 途中都冇乜特別嚕，做咗啲咩？咪就係搭車嗰陣無限自拍無限揀相囉，講到明係港女遊記嚟架嘛。 ------完------ You can find me here: instagram: angelvong youtube: https://goo.gl/W3BeB0 twitter: twitter.com/angelvongg email: (for business only) angelvyl@gmail.com
