睇片︰ https://youtu.be/dWZ1xz5EXuw 珊瑚島+格蘭島一日遊 我哋喺香港一早喺 hopetrip.com.hk 度book咗芭提雅嘅一日遊。 我哋揀咗個Package有浮潛、滑翔傘，仲包咗個午餐。其他package有海底漫步同香蕉船，但呢啲喺其他地方都試過，所以冇揀到。 景係靚嘅 第三，就係佢哋泳池係冇毛巾提供嘅！雖然呢樣嘢唔可以怪哂佢哋，因為我哋之後發現喺房入面有張紙寫話要自備毛巾落泳池，但其實如果真係唔記得帶毛巾落去，玩到濕哂身打哂冷震咁返房就唔多方便。不過我哋冇話太嬲，因為我哋喺個無邊際泳池度頂住十丈厚嘅面皮影寫真咁款影咗好多靚相，仲嘆咗日落添。 由房望出去嘅觀景搭救返 第四，亦係最失望個位，就係房間設施唔多掂，裝修舊舊哋得嚟又求其，啲傢俬嘅設計係可以唔對齊唔平行嘅，對於我 #OCD發作 嘅人嚟講好眼冤。不過如果你覺得「下你唔係話咁都有得投訴而家啲香港人真係挑剔」嘅時候，容許我講埋最基本嘅衛浴設施先。佢個花灑是冇得校到一個適合嘅溫度嘅，一係太熱、一係太凍。我喺蒸氣浴室度沖咗個勉強涼，仲要係浸完海水之後想嘆個熱水涼嘅時候先滿足唔到我呢個小小的要求。 #sad 之後諗住吹頭，但佢哋個風筒係對濕笠笠嘅頭髪完全唔起吹乾嘅作用嘅。 利申，我哋應該係比曼谷嘅繁華都市高級酒店寵壞咗，再加上對呢間酒店太大期望先會引致到好似諸事不愜意咁，我諗公平啲講，呢個價位喺芭提雅呢啲比較落後小小小小嘅地方算係好唔錯架喇。 中伏泰式餐廳 好，怨完一大輪我哋兩個執番哂啲眼耳口鼻之後就落咗去市中心諗住食下飯喇。其實芭提雅真係好細，就係分咗南、北、同市中心(即係中間)。而市中心基本上係Hilton酒店之外都係酒吧、餐廳或者紅燈區。我唔作得準，因為我哋只係explore咗幾個鐘，但呢個算係一個big picture啦。我哋去咗其中一個大商場 Central Festival度搵嘢食。嗰陣太攰已經冇乜點影相，但其實就算影咗，出到嚟都係同香港啲商場一樣，舖頭都係嗰啲。沿住電梯一路上，上到頂層就係餐廳雲集嘅地方。有一點比較奇怪嘅就係我哋搵咗好耐先搵到一間泰菜，其他餐廳唔係西餐就係日本菜，再唔係就韓燒，當地菜真係廖廖(不)可數。咁我哋懶係遊客咁諗住去到泰國唔係唔食泰菜下話，就入咗去一間(亦係唯一一間)嘅泰國菜館。 睇完一大輪menu，我哋嗌咗個叫 “salted crab green papaya salad” 、「泰式」奄列海鮮飯同埋pad thai。去到泰國始終對青木瓜沙律有情意結，諗住「wow salted crab應該係鹹鹹哋嘅蟹肉喇yum yum」，期待佢嘅到來。點知，個waiter一擺低碟沙律，已經有伏已中嘅感覺。佢salted crab嘅意思係醃蟹！喺一絲絲嘅青木瓜上面，係一隻隻深綠色仲細過手掌嘅BB蟹！當我呆咗咁望嘅時候，有一股海水嘅腥味飄嚟，我都已經將個expectation跌到零。但點咗冇理由咁冇衣食架，我咪㩒住頭夾咗隻蟹嚟食囉。唔食由自可，一咬落去，哇好似啃咗啖海水咁！我即刻嘔番出嚟，嗰陣腥味停留咗喺我口度好耐，完完全全咁中咗伏。 好在其餘兩道菜都不過不失，不過係咪好好味呢，我就不敢苟同喇。食完嗰餐，我哋兩個都嬲爆爆咁款，因為我哋嘥咗喺最後晚餐喺呢間伏餐廳度。 繽紛樂買macaron 望落去哇好似好多味其實食落一樣 #letsbehonesthere 不過當然啦，我哋兩個喺呢7日都冇試過會唔開心多過五分鐘嘅，皆因食完之後行出去有macaron食，仲要有好多味又平，我哋兩個港女最鐘意呢啲insanely over-priced(偽)高級貴婦食品，兩個人又即刻精神振奮咁揀揀揀、買買買。順道講埋，番到香港食嗰陣其實無論咩味都係甜耶耶，麻麻好食。不過冇辦法啦，#港女 嘛。 行多陣到最後搭番篤篤返去酒店，其實又浮潛又滑翔傘都已經好攰，兩個人死執爛執執到個喼閂得埋之後，就即刻戾咗去訓喇。
